Баннер втб
RU KZ
Есірткімен ұсталған Арысқа келген құрылысшы сотталды

Есірткімен ұсталған Арысқа келген құрылысшы сотталды

13:34 15 Тамыз 2019 7897

Есірткімен ұсталған Арысқа келген құрылысшы сотталды

Автор:

Арай Есенбек

Ол Арыс қаласындағы жарылыс салдарынан қираған ғимараттарды жөндеуге Жамбыл облысынан келген.

Арыс аудандық сотында есірткі затын иемденіп, сақтап, тасымалдағаны үшін Жамбыл облысының тұрғыны сот алдында жауапқа тартылды. Оған Қазақстан Республикасының Қылмыстық Кодексінің 296-бабының 22- бөлігі бойынша айып тағылған. Арысқа 30 маусым күні келген С.Г. өзімен бірге Жамбыл облысы И.Байзақов ауданы Сарыкемер ауданы Талас өзенінің бойында өсіп тұрған екі түп есірткі затын кесіп алып келген. Оны кептіріп, ақ параққа орап, өзімен бірге тасымалдап, өзі пайдаланған. Есірткіге әуес жігіт 12 шілде күні түнгі сағат 01:30 шамасында «Арыс шипажайының» ауласындағы дәретханада өзімен есірткі затын шеккен. Дәретханадан шыққан кезде полиция қызметкерлеріне ұсталған.

«Сотталушы С.Г-ның қылмыстық құқық бұзушылық әрекеті өзінің мойындау жауабымен, куәлардың жауаптарымен және істегі жинақталған өзге де құжаттармен дәлелденді. Сот үкімімен сотталушы С.Г. Қазақстан Республикасының ҚК-нің 296-бабының 2-бөлігімен кінәлі деп танылып, оған 80 сағатқа қоғамдық жұмысқа тарту жазасы тағайындалды», – деп хабарлайды Арыс аудандық сотының баспасөз қызметі.

Үкім заңды күшіне енген жоқ.

Арай Есенбек