Бұл күні сағат 21.00-де Швейцария мен Италия шеберлік байқасады.
Кездесу Берлин қаласындағы "Олимпиаштадион" стадионында өтеді.
А тобында сынға түскен Швейцария Венгрияны 3:1 есебімен жеңсе, Шотландия және Германиямен 1:1 есебімен тең ойнады.
Ал Италия В тобында Албанияны 2:1 есебімен жеңіп, Испанияға 0:1 есебімен есе жіберсе, Хорватиямен 1:1 есебіне қанағат білдірді.
Қазірге дейін құрамалар 61 мәрте кездессе, 8-де Швейцария, 29-да Италия жеңіп, қалғанында тең нәтиже тіркелді.
Ал 00.00-де Германия мен Дания кездесуі басталады.
Ойын Дортмунд қаласындағы "Сигнал Идуна Парк" стадионында өткізіледі.
А тобында ойнаған Германия Шотландия 5:1, Венгрия 2:0 есебімен жеңсе, Швейцариямен 1:1 есебімен тең ойнады.
С тобында ойнаған Дания құрамасы Словения және Англиямен 1:1, Сербиямен 0:0 есебіне қанағат білдірді.
Қос қарсылас өзара 20 мәрте кездессе, 9-да Германия, 7-де Дания басым түсіп, қалғанында жеңімпаз анықталған жоқ.
Айта кетейік, ойындар "Qazaqstan" және "Qazsport" телеарналарынан тікелей эфирде көрсетіледі.
