Футболдан 2024 жылғы Еуропа чемпионатының оныншы ойын күні, 23 маусымда А тобында үшінші тур ойындары өткізілді, деп хабарлайды inbusiness.kz сайты.
Соңғы турда Германия мен Швейцария құрамалары 1:1 есебімен тең ойнады. 28-минутта Дэн Ндойе есеп ашып, швейцариялықтарды алға шығарды. Ойын аяқталар тұста Никлас Фулкругесепті теңестірді. Осылайша немістер 7 ұпаймен өз тобында бірінші орын алды. Екінші жолдаманы 5 ұпай иеленген Швейцария құрамасы жеңіп алды. 3 ұпай жинаған Венгрияның да аздаған мүмкіндігі бар.
Венгрия Шотландияға қарсы өткен маңызды кездесуде 1:0 есебімен жеңіске жетті. Жеңіс голын ойын аяқталар тұста Кевин Ксоботч соқты. Осылайша мажарлық футболшылар алғашқы 3 ұпайын алса, Шотландия жарыспен қош айтысты.
Бүгін түнде "В" тобындағы құрамалардың ойыны өтеді.
