Бұғатталған ресейлік активтер Еуропаның бақылауында қалуы тиіс. Бұл туралы Германияның федералдық канцлері Фридрих Мерц мәлімдеді, деп хабарлайды inbusiness.kz сайты BILD агенттігіне сілтеме жасап
Мерц АҚШ-тың Еуропада бұғатталған ресейлік қаражатты аудару жөніндегі жоспарын қабылдамады.
"Бұл – Еуропада бұғатталған активтер және олар Еуропада бұғатталған күйінде қалуы тиіс. Бұл – біздің жұмыс, тиісті мәселе бойынша шешімді де өзіміз қабылдаймыз", – деп мәлімдеді Германия канцлері.
Бұған дейін дереккөздерге сілтеме жасаған Financial Times газеті АҚШ-тың Батыс елдеріне ресейлік активтердің бір бөлігін бұғаттаудан шығарып, оларды Вашингтон бақылайтын қаржы құрылымына аударуды ұсынғанын жазған. Ақ үй мұндай қадам Мәскеумен бейбіт келіссөздерді қайта жандандыруға көмектеседі деп санайды.
