The Ring басылымының хабарлауынша, қазақстандық боксшы Геннадий Головкин "Қазіргі заманғы ерлер" санатында Вернон Форрест пен Стив Коллинзбен бірге тізімге енген. Дауыс беру қорытындысы биыл желтоқсанда белгілі болады.
IBHOF – әлем тарихындағы ең үздік боксшыларды дәріптейтін беделді ұйым. Қазақстаннан әзірге ешбір спортшы мұндай мәртебеге ие болмаған.
Головкин орта салмақта WBC, IBF, WBA және IBO тұжырымдары бойынша әлем чемпионы атанған. Ол кәсіпқой рингте 45 жекпе-жек өткізіп, тек Сауль "Канело" Альварестен 2 рет жеңіліп, 1 рет тең түскен. Соңғы жекпе-жегін 2022 жылдың қыркүйегінде өткізгенімен, мансабын ресми аяқтаған жоқ.
Қазіргі уақытта Геннадий Головкин Қазақстан Ұлттық Олимпиадалық комитетін және World Boxing ұйымының Олимпиадалық комиссиясын басқарады.
