Ауа райының қолайсыздығына байланысты ойындардың ең маңызды рәсімдерінің бірі Гера ғибадатханасында емес, археологиялық музейдің ішкі бөлмесінде өткізілді. Абыз әйел рөлін тағы да актриса Мэри Мина атқарды.
Салтанатты шараға Грекия президенті Константинос Тасулас, Халықаралық Олимпиада комитетінің басшысы Кирсти Ковентри, 2026 жылғы Олимпиада және Паралимпиада ойындарының ұйымдастыру комитетінің президенті Джованни Малаго және басқа да меймандар қатысты.
Алғашқы алау ұстаушы 2024 жылғы Олимпиада ойындарының жүлдегері Петрос Гайдацис болды.
Грекиядағы кезеңнен кейін алау 4 желтоқсанда Римге жеткізіледі. Италия аумағында эстафета елдің барлық 110 провинциясынан өтіп, 6 ақпанға дейін жалғасады. Соңғы нүкте Миландағы "Сан-Сиро" стадионы болмақ. Онда 2026 жылғы Олимпиаданың ресми ашылу салтанаты өтеді.
