Ресей құрамасына қарсы өткен матчта хоккейден Қазақстан ұлттық құрамасының бас бапкері Олег Болякин келесі құрамды айдынға шығарды: Кудрявцев (Әмірбеков) – Орехов–Метальников, Михайлис–Шестаков–Колесников; Бекетаев–Данияр, Панюков–Лихотников–Әсетов; Михайлов–Гайтамиров, Рымарев–Өмірбеков–Савицкий; Бреус–Волков, Қайыржан–Мұхаметов–Мұратов.
Бірінші кезеңде Сергей Кудрявцевтің қақпасына Данил Аймурзин мен Дмитрий Саморуков 2 жауапсыз шайба соқты.
Екінші кезеңде Марат Хайруллин мен Михаил Воробьев есеп айырмасын ұлғайтты. Соңғы 20 минутта айдын иелері Әлихан Әсетовтің арқасында 1 голмен жауап қайтарды – 1:4.
Турнирдің екінші ойынында 3 мамыр күні сағат 17:00-де Қазақстан құрамасы Беларусь хоккейшілерімен кездеседі. Ал 10 мамырда Қазақстан құрамасы хоккейден әлем чемпионатын Норвегияға қарсы матчпен бастайды.
