Қазақстан жастар құрамасы (U20) Словенияда өтіп жатқан IA дивизионындағы жастар арасындағы әлем чемпионатының алғашқы матчында Украинаға күтпеген жерден жол берді. Кездесу 1:2 есебімен аяқталды.
Алғаш болып есеп ашқан қазақстандықтар еді. 7-минутта Корней Корнеев дәл соққымен көзге түсті. Алайда 42-минутта украиналық Никита Куликов есепті теңестірді. Ал овертаймда (63-минут) Данила Кураев Украина құрамасына жеңіс әкелді.
Украина U20 – Қазақстан U20 2:1 ОТ (0:1, 0:0, 0:0, 1:0)
0:1 – 06:52 – Корнеев (Кажибеков, Имашев)
1:1 – 41:55 – Куликов (Косарев, Шубинский), ГБ
2:1 – 62:33 – Кураев (Хапоненко, Стасюк)
Қақпашылар: Левшин – Ряшин
Айта кетейік, Қазақстан құрамасы Франция, Аустрия, Норвегия, Словения және Украина командаларымен бірге топ-дивизионға жолдама үшін сынға түсуде.
Алдағы матчтар кестесі:
8 желтоқсан, 23:30 – Қазақстан - Словения
10 желтоқсан, 23:30 – Қазақстан - Франция
11 желтоқсан, 20:00 – Норвегия - Қазақстан
13 желтоқсан, 20:00 – Қазақстан - Аустрия
