DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Ипотекалық кредит 1,5 трлн теңгеге жетті

Ипотекалық кредит 1,5 трлн теңгеге жетті

Еліміздегі 28 банктің 15-і ғана ипотека рәсімдейді.  

02 Тамыз 2019 12:37 5795

Ипотекалық кредит 1,5 трлн теңгеге жетті

Автор:

Абылай Бейбарыс

Екінші деңгейлі банктердің ипотека рәсімдеу көрсеткіші бір айда 4,5%-ға ұлғайды. Ал бір жылдық өсім 30,5%-ды құрады.

Маусым айының қорытындысында ел азаматтарына 1,49 трлн теңге ипотекалық қарыз берілгені анықталды. Бұл – экономикадағы барлық кредиттің 11,6%-ы.

Өткен жылдың шілдесінде ел аумағындағы ипотекалық кредит көлемі 1,14 трлн теңге болған. Қарыз алудың жылдық көрсеткіші 13%-ды құраған.

Бүгінгі таңда екінші деңгейлі банктер экономиканың түрлі секторларын қаржыландыруға қызығушылық танытып отырған жоқ. Бұл көрсеткіш бір жылда 0,6%-дан әрең асты. Есесіне қаржы институттары ипотекалық кредит нарығында ерекше белсенді.

Айта кетейік, елімізде ипотека рәсімдеу екі бағыт бойынша жүзеге асырылады. Бірінші бағыт – коммерциялық ипотека. Қарыздың бұл түрін тұрақты табысы, төлем қабілеті бар кез келген қазақстандық ала алады. Екінші бағыт– жеңілдетілген ипотека. Дәл осы несие әлеуметтің осал тобына, оның ішінде табысы төмен, көпбалалы, мүгедек балалары бар отбасыларға және тұрғынүйқұрылысжинақбанкінде салымы бар салымшыларға беріледі.

Коммерциялық ипотека нарығында несие рәсімдеушінің баспанасы бар немесе жоқ екеніне назар аударылмайды. Қарыз алушыға қандай да бір  шектеу қойылмайды. Ол табысы жетсе, қалаған сомаға, қалаған үйін ипотека арқылы сатып ала алады. Қазір бұл сегментте Altyn Bank, Cбербанк және Bank RBK азаматтарға тиімді ұсыныс ұсынып отыр. Мысалы Altyn Bank несиені 15,4%, Сбербанк 15,6%, RBK 16%-бен рәсімдеуде.

Ипотекалық қарыз алушылар қарыздың пайыздық мөлшерлемесімен қатар  сомасына да назар аударады. Бұл ретте олар көбінесе ең бірінші Altyn Bank-ке жүгінеді. Себебі бұл банк 175 млн теңгеге дейін ипотекалық несие рәсімдейді. Екінші орында АТФБанк тұр. Ол 100 млн  теңгені ипотекалық кредит ретінде бере алады. Үштікті 75 млн теңгемен RBK тұйықтап тұр.

Ипотеканы 240 айға немесе 20 жылға 5 банк береді. Олар: Altyn Bank, Нұрбанк, Сбербанк, Халық банк және Tengri Bank.

ForteBank алғашқы жарна ретінде негізгі соманың 15-ын, Altyn Bank, Tengri Bank және АТФ банк 20%-ын талап етеді.

Ел нарығында ипотеканы 28 екінші деңгейлі банктің 15-і ғана ұсынады. Олардың 9-ы ипотека рәсімдеген кезде жалақы жобасы мен мемлекеттік бағдарламаларға, тұрғынүйқұрылысжинақбанкі жүйесіне және өзге де ерекше жағдайларға назар аудармайды. Яғни төлем қабілетін растаған кез келген азаматқа ипотека рәсімдей береді.

Абылай Бейбарыс

inbusiness.kz-ті қараңыз, оқыңыз :

Ипотекалық қарызды 3 ай төлемеуге рұқсат берілді

Қасым-Жомарт Тоқаев халықтың өтінішін орындады. 

24 Наурыз 2020 09:52 9356

Ипотекалық қарызды 3 ай төлемеуге рұқсат берілді

«Тұрғын үй құрылыс жинақ банкі», «Қазақстан ипотекалық компаниясы» және «Бәйтерек девелопмент» АҚ арқылы несие рәсімдеп, баспана алған жеке, заңды тұлғалар 3 ай ипотекалық қарыздарын қайтарудан босатылады. Бұл туралы «Бәйтерек» ұлттық басқарушы холдингінің» баспасөз қызметі хабарлады.

«Мемлекет басшысының 23 наурыз күні төтенше жағдай жөніндегі мемлекеттік комиссияның отырысында берген тапсырмасына сәйкес, уақытша қаржылық қиындыққа тап болған жеке және заңды тұлғалар үшін холдингтің тұрғын үй блогының еншілес ұйымдары барлық төлемдер бойынша, негізгі қарыз бен сыйақы сомасын қоса алғанда, тұрғын үй және тұрғын үйге жатпайтын жылжымайтын мүлік объектілерін сатып алу құқығымен жалдау, сатып алу, сату мәмілелері бойынша, айыппұл мен өсімақы есептемей, алдағы 3 айда (сәуір-мамыр-маусым) төлемдерді кейінге қалдыру туралы шешім қабылдады», – деп хабарланды рәсми мәлімдемеде.

Белгілі болғандай, борышкерлер мемлекеттік операторларға жеке кабинет, telegram-бот сондай-ақ ресми сайт арқылы қашықтықтан хабарласып, өтініш беруі керек. Әр өтініш жеке тәртіппен қаралады.

«Барлық сұрақтар бойынша call-орталықтар арқылы «Тұрғын үй құрылыс жинақ банкіне»: 300, «Қазақстан ипотекалық компаниясына»: +7 800 080 44 48 «Бәйтерек девелопмент» АҚ-ға: +7 7172 79 65 60, +7 800 080 01 01 телефон нөмірлері бойынша хабарласуға болады», – деп жазды «Бәйтерек» ұлттық басқарушы холдингінің» баспасөз қызметі.

Естеріңізге салайық, Ақордада өткен төтенше жағдай жөніндегі мемлекеттік комиссияның отырысында Президент Қасым-Жомарт Тоқаев халықтың барлық займдары бойынша негізгі қарыз сомасын төлеуді тоқтатуды тапсырды.

«Біріншіден, төтенше жағдай кезеңінде бұған дейін қабылданған айыппұлдар мен өсімпұлдарды есептеуге тыйым салумен қатар халықтың барлық займдары бойынша негізгі қарыз бен сыйақы сомасын төлеуін тоқтата тұру қажет. Банктерден толық түсіністік пен азаматтық ынтымақтастық күтемін», – деді Қасым-Жомарт Тоқаев.

Мемлекет басшысының мәлімдеуінше, ел азаматтары қаржылық қиындықтан құтылу үшін ломбардтарға, онлайн кредиторларға, микроқаржылық ұйымдарға жүгінетін болған.

«Азаматтарды алдауға жол беруге болмайды. Қаржы нарығын реттеу және дамыту агенттігіне, бас прокуратураға, ақпарат және қоғамдық даму министрлігіне заңнаманың сақталуын тексеру бойынша ауқымды акция жүргізуге және заң бұзушыларды жария түрде жазалап, мұны БАҚ пен әлеуметтік желілерде барынша көрсетуді тапсырамын. Бұл қазақстандықтар қиын-қыстау жағдайда өздерінің құқықтарын мемлекет қатаң қорғайтындығын білу үшін қажет», – деді Президент.

Абылай Бейбарыс

Ипотекалық несиенің салықтық шегеріміне шектеу қойылады

118 айлық есептік көрсеткіштен аспайтын сыйақыдан ғана салық шегерімі жасалады.  

30 Қаңтар 2020 19:15 5166

Ипотекалық несиенің салықтық шегеріміне шектеу қойылады

Былтыр мемлекеттік кірістер комитеті 2020 жылдың 1 қаңтарынан бастап жеке тұлғалардың екінші деңгейлі банктерден немесе банк операцияларының жекелеген түрлерін жүзеге асыратын қаржы ұйымдарынан алған ипотекалық несиесінің ай сайынғы төлемінің сыйақысынан салық шегерімі жасалатынын жариялады. Биыл бұл операцияның 2021 жылдың 1 қаңтарына ауыстырылғаны және салық шегеріміне шектеу қойылатыны белгілі болды.

Бұқара білетіндей, бүгінгі таңда «Тұрғын үй құрылыс жинақ банкі» АҚ-дан

алынған ипотекалық несиенің ғана сыйақысы шегеріледі. Салық шегеріміне қол жеткізу үшін жұмыс орнының есеп бөліміне 3 құжат өткізу қажет. Бірінші, «Тұрғын үй құрылыс жинақ банкімен» жасалған ипотекалық тұрғын үй қарызы туралы шарт, екінші, сыйақы көрсетілген ипотекалық тұрғын үй қарызын өтеу кестесі, үшінші, қарыз бойынша сыйақының төленгенін растайтын түбіртек.

2021 жылдың 1 қаңтарынан бастап ел аумағында қаржылық қызмет көрсететін барлық банктер ипотекалық несиенің ай сайынғы төлемінің сыйақысын қайтаруға міндетті болады. Алайда олар ипотекалық несиенің 118 айлық есептік көрсеткішінің сыйақысынан аспайтын мөлшердегі қаражатқа ғана салық шегерімін жасайды. Әзірше 2021 жылы бір айлық есептік көрсеткіш қанша болатыны белгісіз. Сондықтан нақты қанша теңгеден салық шегерімі жасалатын тап басып айту қиын. Бір анығы екінші деңгейлі банктер 2021 жылы бір айлық есептік көрсеткішті 118 айлық есептік көрсеткішке көбейткенде шыққан ақшаға ғана салық шегерімін жасайды.

Бұл жерде мәселе салық шегеріміне қойылған шектеуден туып отыр. 118 айлық есептік көрсеткіш қалай, неге, не үшін белгіленді? Бұл бастама салық кодексіне қандай мақсатпен енгізілді?

«Бірінші несие бюросы» ЖШС мәліметінше, 2019 жылдың басында елде 247,7 мың ипотекалық келісімшарт болған. Мұндай несиелердің портфелі 1,4 трлн теңгені құраған. Есептеулер ипотекалық несиенің орташа мөлшері 5,25 млн теңгеден 5,65 млн теңгеге дейін құбылатынын және ретроспективті талдау барысында төмендеу үрдісі бар екенін көрсеткен. Яғни тұрғын үй заемының орташа мөлшері жылдан жылға тұрақты түрде төмендеп келеді.

Ипотекалық несиелердің мөлшері эволюциялық жолмен азайып жатыр, оған сырттан ықпал етіп, қандай да бір шектеу қоюдың қажеті жоқ.

Абылай Бейбарыс

 

inbusiness.kz-ті қараңыз, оқыңыз :

Жаңалықтарға жазылу: