Италия астанасы Римде өтіп жатқан, жүлде қоры 2 миллион долларды құрайтын Italian Open турнирінде қазақстандық теннисші Юлия Путинцева Әлемнің 16-ракеткасын жеңді. Енді ол келесі айналымда Қазақстанның 1-ракеткасы Елена Рыбакинамен кездеседі.
Әлемдік рейтингте 30-орын иеленетін Путинцева Internazionali BNL d'Italia жарысының 2-айналымында хорватиялық Петра Мартичпен кездесті. 1-партияда 6:3 есебімен қазақстандық теннисші жеңіске жетті. Екінші партияда да Путинцева 5: есебімен алда келе жатқанымен, тай-брейкте 6:7 есебімен қарсыласына жол берді. Шешуші 3-сетте Юлия 6:4 есебімен хорватиялық теннисшіні ұтты.
Үш сағатқа созылған кездесуде Мартич 1 эйс және 6 брэйк жасады. Ал допты ойынға қосу барысында 5 рет қателікке жол берді. Путинцева 8 брейк-пойнтты сәтті пайдаланып, 3 рет қосарланған қателікке жол берді. Кездесу есебі 2:0.
Естеріңізге сала кетсек, 1/8 финалда Әлемдік рейтингте 18-орында келе жатқан Елена Рыбакина екі партияға созылған кездесуде Әлемнің 47-ракеткасы Мари Боузкованы 7:5, 7:6 (7:3 тай-брейкте) есебімен жеңіп, 3-айналымға жолдама алған болатын. 2 сағат 27 минутқа созылған кездесуде 21 жасар Рыбакина бес брейк, 4 эйс жасады және допты ойынға қосу барысында 6 рет қателіктерге жол берді. 22 жасар Боузкова қосарланған қателіктер жібермеді. Бұған дейін екі теннисші кездесу өткізген емес.
Ермұхамед Мәулен
