"Қайрат" Конференция лигасының плей-офф кезеңінің екінші ойынында Люксембургтің "Фола" командасын жеңді. Кездесу Алматыда өтті және 3: 1 есебімен алаң иелерінің пайдасына аяқталды.
Ойынның 13-минутында Артур Шушеначев қақпашымен жеке-дара шығып, өз мүмкіндігін голға айналдырды. 28-минутта Вагнер Лав қақпаның оң бұрышын дәл көздеп, есепті еселеді. Ал 36-минутта Артур Шушеначев командасының үшінші голын соқты. Бірақ, кездесудің 44-минутында Мустафич айып алаңның сыртынан тамаша соққы жасап, жұбаныш голын соқты.
Айта кетейік, Люксембургте өткен бірінші ойын 4:1 есебімен аяқталып, алматылық клуб жеңіске жеткен болатын. Осылайша, "Қайрат" 7: 2 есебімен жеңіске жетіп, тарихта алғаш рет еурокубоктің топтық кезеңінде ойнайды.
"Қайрат" - "Фола" 3:1
Голдар: Артур Шушеначев 12 (1:0), Вагнер Лав 28 (2:0), Артур Шушеначев 36 (3:0), Мирза Мустафич 43 (3:1)
"Қайрат": Стас Покатилов, Маки Баньяк, Раде Дугалич, Нұралы Әліп, Ян Вороговский, Камо Оганесян, Айбол Әбікен, Денис Поляков, Рикарду Алвеш, Артур Шушеначев, Вагнер Лав.
"Фола": Эммануэл Кабрал, Грисе, Жилсон Дельгадо, Клейн, Уасссьеро, Драгович, Мустафич, Бруну Мендеш, Диого Пиментел, Бутриф, Омосанья.
Ермұхамед Мәулен
