Шымкенттік "Ордабасы" Қазақстан чемпионатының 19-турында қызылордалық "Қайсардан" оңбай ұтылды. Матч Тимур Сегізбаев атындағы стадионда өтіп, 0:3 есебімен аяқталды. Ойынның есебін 52-минутта "Қайсар" қорғаушысы Иван Граф ашты. Кездесудің 66-минутында "Ордабасы" қорғаушысы Тимур Досмағамбетов алаңнан қуылды. Ал 69-минутта Асхат Тағыбергеннің алыстан бағыттаған соққысы қақпа торында тулады. Араға 6 минут салып команда капитаны дубль авторы атанды.
"Қайсар" осы жеңістің арқасында 24 ұпаймен алтыншы орынға көтерілді. "Ордабасы" 27 ұпаймен төртінші орынын сақтап қалды.
Сондай-ақ бүгін қарағандылық "Шахтер" Премьер-лиганың 19-турында "Астананы" еш қиындықсыз жеңді. Алматыдағы "Жас Қыран" стадионында өткен кездесу 3:1 есебімен аяқталды.
Кездесудегі алғашқы голды "Шахтер" ойыншысы Руслан Мингазов соқты. 24-минутта Сергей Зенёв командасының екінші голын соқты. Бір қызығы, екі гол да бір сценарий бойынша соғылды. 69-минутта Еркін Тапалов есепті 3:0-ге жеткізді. Ал "Астана" сапынан жалғыз голды соққан соңғы минутта Дидар Жалмұқан болатын.
Бұл жеңістен кейін "Шахтер" 26 ұпаймен бесінші орынға көтерілді. Бір ұпайы көп "Астана" төртінші орынға жайғасты.
Ермұхамед Мәулен
