/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 379,41 Brent 36,55
Қайта жалғасқан чемпионаттан қайыр бар ма?

Қайта жалғасқан чемпионаттан қайыр бар ма?

1 шілде күні Қазақстан премьер-лигасы қайта жалғасын табады. Бұл ойындардан біз не күтеміз?

19:18 27 Маусым 2020 742

Қайта жалғасқан чемпионаттан қайыр бар ма?

Автор:

Ермұхамед Мәулен

Ресми ақпарат шығып, Қазақстан премьер-лигасы 1 шілде күні жалғасын табатын болды. Күнтізбе қайта жарияланып, 3-тур ойындарының матчтары белгілі болды. Сонымен, Қостанай қаласында «Тобыл» Ақтау қаласынан келген «Каспиймен» кездеседі. «Тобыл» карантин кезінде дауға ұшырады. Бұл команданың ойыншысы Фернандер Кассай Еуропадағы ұйымдарға шағым түсіріп, клубтың көптеген қаржыны бермей қойғанын айтты. Бұл мәселеге әлі де болса нүкте қойылған жоқ. Ал «Каспий» клуында басшылық ауысты. Клубтың директоры болып футбол ортасына есім-сойы белгісіз Санжар Сейтқазинов есімді жас менеджер келді.

Екінші ойынымыз «Қайсар» мен «Тараз» арасында өтеді. «Қайсар» клубынң бас бапкері Стойчо Младеновтың қанша жалақы алатыны белгілі болды. Бейресми деректер болгар бапкерінің айлық табысы 19 миллион теңгені құрайды дейді. Отанына демалысқа барып келген Стойчо қайтар жолда Қазақстан кеденінен өте алмай 7-8 сағат Алматы қаласының халықаралық әуежайынан шыға алмай отырды. Кейіннен, бұл мәселе шешіліп, Младенов ҚЫзылорда қаласына жетті. «Қайсар» футболшылары жалақыны төмендетуге қарсы шығып, ұжым ішінде екіге жарылған топ пайда болды. Ал «Тараз» клубына тоқталатын болсақ, мұнда да басшы тағайындалды. Клубты енді Талғат Тұрлыбайұлы басқарады.

Үшінші ойын «Қызылжар» мен «Оқжетпес» арасында өтеді. Екі клуб та біріншіліктің аутсайдері. Бюджеттері де ең әлсіз клубтар осылар. Сондықтан болар, пандемия кезінде бұл ұжымдар өзгелер секілді дау-дамайға ұрынған жоқ. Жаттығуларын жасап, жолдастық кездесулерін өткізіп жатты.

«Қайрат» - «Жетісу» ойыны Алматы облысының дербиі. Өткен жылы «Жетісу» «Қайратты» 3:0 еңіп, ұятты қылды. Алматылық команда ені соның есесін қайтаруы тиіс. Вагнер Лавты қатарына қосып алған алпауыт клубымыз «Жетісуды» жеңеміз деп құлшынып отыр. Бірақ, алматылықтардың ойыны бразилиялық шабуылшы келе салысымен күшейіп кетпегені анық. «Жетісу» клубы қайырымдылық шараларымен айналысып, жаттығу жұмыстарын көп жүргізді. Өздеріңіз білесіздер Талдықорғанға карантин уақыты кеш келді. Ал ойыншылар жолдар ашылған соң, Алматы қаласында жаттығу жұмыстарын жүргізді. Екі команда да бұл ойынға тас-түйін дайын. 3-турдың ең қызық ойыны осы матч болатын да шығар.

Шымкентте «Ордабасы» командасы қарағандының «Шахтерін» қабылдайды. «Ордабасыда» барлығы бәз қалпында. Ал қарағандылық клубта біршама өзгеріс орын алды. Бас бапкер Вячеслав Гроный қызметінен кетіп, оның орнына жас маман Александр Горовенко келді. Ерлан Оразаев баптайтын команда «Ордабасыға» тегеурінді қарсылық көрсетуі ықтимал. Осы турда тағы бір матч болуы тиіс еді. Бірақ, Павлодар қаласының намысын қорғайтын «Ертіс» біріншіліктен шығып қалғандықтан, «Астана» осы турда демала тұрады. Елордалықтар 5 шілде күні өтетін 4-тур ойындарында Қостанайда «Тобылмен» кездеседі.

Ермұхаед Мәулен

Тегтер:

кпл Қайрат 3 тур

3-турдан не байқадық?

Қазақстан Премьер-Лигасының 3 тур ойындары болып өтті. Барлығы 5 матч ойналды. "Ертістің" жарыстан шығып қалғанына байланысты "Астана" бұл турда демалды. 

02 Шілде 2020 18:15 551

3-турдан не байқадық?

"Қайрат" - "Жетісу" (3:0)

Матч толықтай алматылық команданың бақылауында өтті. Ойынынң 12 минутында Косовичтің керемет пасынан кейін Камо Оганесян өзінің бұрынғы командасына матчтағы алғашқы голды соқты. Ал матчтың 56 минутында Конрад Вржещинский есепті 2:0-ге жеткізді. 65 минутта алаңға шыққан жас шабуылшы Шученачев 92 минутта командасының 3-ші голын салып, "Жетісудың" үмітін өшірді. Осылайша "Қайрат" ойыншылары Шпилевскийдің ақылынсыз-ақ "Жетісуды" тас-талқан етті.

"Қайрат" бұл матчтан кейін турнирлік кестеде 9 ұпаймен көш бастаса, "Жетісу" 8-ші орыннан бір-ақ шықты. "Қайрат" келесі матчта Ақтауда "Каспиймен" кездесу өткізеді, ал "Жетісу" өз алаңында "Ордабасыны" қабылдайды.

"Қызылжар" - "Оқжетпес" (3:1)

Матч өте қызықты болды. Бұл матчта фаворит алаң иелері болып саналған. Себебі, қонақтардың біраз ойыншысы бұл матчқа қатыса алмады. Бірақ 28 минутта "Оқжетпес" сапынан Жасұлан Молдақараев қақпашымен бірге-бір шығып, есеп ашты. Алаң иелері бірінші таймда-ақ есепті теңестіріп үлгерді. Гол авторы Габи Энаке қорғаушының жасаған өрескел қателігін ұтымды пайдаланып соққы жасап көріп еді, доп қақпа торынан табылды. Екінші таймда "Қызылжар" матчты бақылауына ала бастады. 76 минутта Пламен Димов өз қақпасына гол соғып алып, алаң иелерін алға шығарды. Ал, 87 минутта қақпашы орнын тастап шыға бергенде оны өз командаласы шалып жықты. Ал допты қақпашыдан алып өткен Тимур Мульдинов матчтың нүктесін қойды.

Бұл ойында "Қызылжар" осы маусымдағы алғашқы жеңісіне қол жеткізіп, 9 орынға шықты. Ал Көкшетау командасы 4-ші ойынында жеңіліске ұшырап, турнирлік кестенің ең соңғы орынына жайғасты.

4-ші турда "Қызылжар" қонақта "Таразбен" ойнайды, ал "Оқжетпес" келесі турда демалады.

"Тобыл" - "Каспий" (2:0)

Бұл ойынға екінші құрамымен келген ақтаулық команда 84 минутқа дейін матч фавориті саналған "Тобылға" шыдап берді. 84 минутта сол қапталдан асырылған пасты баспен қақпаға бағыттаған команда капитаны Азат Нұрғалиев есеп ашты. Матчтқа тыңнан қосылған ұлттық құраманың жас шабуылшысы Оралхан Өміртаев қорғаушылардың қателігін сәтті пайдаланып, өз командасының екінші голын соғып, Қостанай командасына сенімді жеңіс сыйлады.

Жеңіс тойын тойлаған Бабаян шәкірттері 7 ұпаймен үшінші орынға жайғасты, ал бірде-бір жеңіске жетіп көрмеген "Каспий" 10 орында. 4-ші турда Қостанайлық "Тобыл" "Астанамен" ойнайды.

"Ордабасы" - "Шахтер" (0:1)

3-ші турдағы жалғыз сенсацияны Горовенко шәкірттері жасады. Осылайша Горовенко "Шахтер" сапындағы алғашқы матчында жеңіс тойын тойлады. Бұл матчтың бірінші таймында гол көре алмадық. Ал матчтағы алғашқы және жеңісті голды 64 минутта Махлангудың қателігін сәтті пайдаланған Жереми Манзорро соқты. Матчтың соңы өрескел ойынға ұласты. 75 минутта алаң иелері сапынан Абдуллай Диакате екінші сары қағаз алып ойыннан қуылды. Ал бұған жауап ретінде 80 минутта Жереми Манзорро да симуляция жасағаны үшін қызыл қағаз алды. Осылайша 10 ойыншымен қалған екі команда да қалған 10 минутта гол соға алмады.

Бұл матчтан кейін "Шахтер" турнирлік кестедегі жағдайын жақсартып алды. 6 ұпай жинаған Горовенко шәкірттері 4 орынға тұрақтаса, шымкенттік "Ордабасы" 4 ұпаймен 7 орынға түсіп қалды.

Келесі турда "Шахтер" өз алаңында Қызылорда қаласының командасы "Қайсарды" қабылдайтын болады.

"Қайсар" - "Тараз" (1:1)

Бұл матчтағы алғашқы голды 41-ші минутта Думан Нәрзілдаев соқты. Думан айып соққысын керемет орындап, "Қайсарды" алға шығарды. Бірақ бұл ойынға өзінің мықты құрамын шығарған "Тараз" екінші тайм бастала салысымен есепті теңестіріп қойды. Гол авторы - Тони Сильва. Бұдан кейін гол көру мүмкін болмады. Екі команда тең тарқасты. 

Вагнер Лав «Қайраттың» атын шығара ма?

ЦСКА командасының аңызы, бразилиялық шабуылшы Вагнер Лав «Қайрат» футбол клубына ауысты. Бұл жайында футболшының өзі хабарлады. Ал біз ендеше Вагнердің кім және қандай адам екеніне тоқталсақ.

23 Маусым 2020 23:06 757

Вагнер Лав «Қайраттың» атын шығара ма?

2004 жылы Евгений Гиннер мен Валерий Газзаев екеуі ЦСКАға суперфорвард іздеді. Нәтижесінде олар «Палмейрас» шабуылшысы Вагнер Лавты 6 миллион еуроға сатып алды.

Иә, 2004-2005 жылдары футбол тамашалаған тәжірибиелі жанкүйерлер біле жатар, Вагнер мәскеулік ЦСКА сапында голдарды қарша борататын. Ол Ресей чемпионы деген атақты үш рет жеңгенімен қоймай, жыл сайын үздік сұрмерген атанатын. Әдемі голдарды да салатын, пасты да жөнімен беретін. Газзаев баптаған командамен ол Уефа кубогының иегері атанды. Вагнердің қасында ол кезде екі отандасы болды. Даниэль Карвальо мен Дуду Сеаренсе.

Кейіннен ол ЦСКАдан кетіп, «Палмейрас» пен «Фламенгода» доп тепті. Сосын ЦСКАға қайта оралды. Ол өз үйіне келгендей әсер алды да, қайтадан гол соға бастады. «Монако», «Бешикташ» секілді клубтарда ойнап, бағын сынады. Францияда бағы жанбады, бірақ 2016 жылы «Аланьяспорда» жүргенде Түркияның үздік сұрмергені атанды. «Гангстер» 2016 жылы Түркияда 23 гол салды.  Ресейлік журналистер оны РПЛ тарихындағы үздік легионер деп санады. Сонымен қатар, Ресей чемпионаттарының 1993-2012 жылдары арасындағы біріншіліктерінің үздік шабуылшысы деген атағын да қоса берді.

2004 жылы Карлос Алберто Перейра оны Бразилия құрамасына алды. Ол сол жылы Перуде өткен Америка кубогының алтын медальін жеңді. Бірақ, ол кезде Лав алаңға көп шыға бермейтін. Өздеріңіз білесіздер ол шақта Бразилия құрамасында неше түрлі сұрмергендер жүретін. Кейінірек құраманы Дунга баптаған шақты Вагнер Лав, Карвалью, Дуду үшеуі де шақырту алды. Вагнер Уэльс құрамасына қарсы өткен жолдастық матчта алғашқы голын салды. Ал 2007 жылы Вагнер Бразилия құрамасының Копа Америкадағы әр матчында алаңда ойнады. Тіпті, негізгі шабуылшы болды десек артық емес. Финалда шабуылшы Дани Алвеске пас шығарып еді, қорғаушы гол салып, Бразилияға жеңіс сыйлады. Финалда олар Аргентинаны сол жалғыз голдың арқасында жеңіп кетті.

ЦСКАға екі рет келгеннен кейін мамандар оны, тағы бір мәрте үшінші рет келеді деп болжады. Себебі, Вагнер келген сайын ЦСКАда жарқырап ойнап, трофейлер жеңетін. Бірақ, биыл ол «Коринтианспен» келісімді үзіп, маусым айының басында еркін футболшы атанған соң ЦСКАға келе салмады. Өзге ресейлік клутардан да ұсыныстар түсті. Леонид Слуцкий баптайтын «Рубин» де оны алғысы келді. Бірақ, футболшының агенті Эвандру Ферейра «Вагнерді «Қайрат» қатты бағалады. Оған керекті келісім-шарт ұсынды. Сондықтан ол қазақ командасын таңдады» деп мәлімдеді. Бразилияның 2019 жылғы чемпионатында Лав 28 ойынға қатысып, 5 гол соқты.

Айтпақшы, Вагнер сұлу бикештермен махаббат оқиғаларына жиі тап болады. Фамилиясының өзі біраз жайттан сыр беріп тұр ғой. Тағы бір дәлел Вагнер екі рет үйленген. Сонымен қатар, ресейлік және бразилиялық баспасөз оның түнгі клубтардағы неше түрлі қылықтары туралы жазды. Сонымен бірге, Бразилияда криминал әлемінің адамдарымен тығыз қарым-қатынасы бар Вагнердің қолына тапанша ұстап жүрген фотосы да кеңге тараған. Енді ол Алматының мен деген мықты клубтарында вип қонақ болары анық. Жасы 36ға келсе де шабулшы жастармен бірге көңіл көтергенді ұнатады.

Ермұхамед МӘУЛЕН