"Жасөспірімдер үйі" Қарағандының оңтүстік-шығысындағы "Ұлытау" тұрғын үй кешенінде ашылды. Пәтер "Халық" қайырымдылық қорының демушілігімен алынды. Қор жайлы тұрғын үй кешенінен төрт бөлмелі пәтер алуға 51 миллион теңге бөлді. Алынған пәтердің аумағы 140 шаршы метрді құрайды. SOS Қазақстанның балалар ауылы қорының есебінен жөндеу жұмыстары жүргізіліп, керекті жиһаздар алынды.
"Жаңа, жайлы жасөспірімдер үйінде 16-18 жас аралығындағы жеті бала тұратын болады. "Балалар ауылының түлектері" үшін "жасөспірімдер үйін" құру арқылы қала өміріне бейімдеп, толыққанды отбасын құра алатын деңгейге жеткізгіміз келеді. Қазір олар Қарағанды қаласындағы университеттер мен колледждерде білім алуда. Жасөспірімдер үйіне көшу олардың қоғамға кедергісіз бейімделуін қамтамасыз етеді. Бұл олардың өмір сүру сапасын жақсартып, алаңсыз оқуын оқып, мамандық алып, жақсы өмір сүруге деген ынталарын оятады", - дейді "Халық" қайырымдылық қорының басқарушы директоры Нариман Әбілшайықов.
Жасөспірімдер үйінде тәрбиеленушілер тәлімгердің бақылауында болады.
"Үлкен қалаға көшу ата-анасының қарауынсыз қалған жастардың қоғамға бейімделуіне жасалған маңызды қадам. Жасөспірімдер үйінде жайлы өмір сүру үшін барлық жағдай жасалған. Үй шаруашылығына керекті тұрмыстық техника мен жаңа жиһаздар алынған. Кең қонақ бөлмеде кешкісін жиналып, бірге уақыт өткізуге болады. Үйдің жанында дүкен, дәріхана, автобус, саябақ бар. Ең ыңғайлы тұсы оқу орындарына небәрі 20 минутта жетуге болады", - деді "Қазақстанның SOS балалар ауылдары" корпоративтік қорының ұлттық директоры Гүлжан Асанова.
"Халық" қайырымдылық қоры 2016 жылы құрылған. Қордың құрылтайшылары Тимур мен Динара Құлыбаевтар еліміздегі өмір сүру сапасын жақсарту жолында жүйелі көмек көрсетіп келеді. Қор құрылғаннан бері 45 миллиард теңгеден астам сомаға қайырымдылық жобалары жүзеге асырылды. Пандемия кезінде науқас адамдарға көмектесіп, медициналық құрал-жабдықтар мен дәрі-дәрмектерді жеткізді. Мұқтаждарға азық-түлік пакеттерін таратып, балалар мен жастарға сапалы білім беру жолында көмек беруде.
Қарағандыда жастарды орналастыруды ұйымдастыру SOS Қазақстанның балалар ауылдары мен "Халық" қорының қолдауымен жүзеге асырылған алғашқы әлеуметтік жобасы емес. Осы жылдар ішінде қор ата-анасының қамқорлығынсыз қалған балалар мен жастарға үлкен қолдау көрсетіп келеді. Қордың қолдауымен Алматы қаласында SOS отбасылар мен ата-анасының қамқорлығынсыз қалған отбасыларды орналастыру үшін бірнеше пәтер сатып алып, толық жабдықтаған. "Халық" қоры халықтың осал топтарының өмір сүру жағдайын жақсартуға бағытталған жобаларға қолдау көрсетуді жалғастыра бермек.
Биыл жазда Қарағандыда тағы бір әлеуметтік жоба ашылды. Жергілікті білім басқармасының қолдауымен 12 маусымда Қарағандыда "SOS Қазақстан балалар ауылдары" қоры балалар мен отбасын қолдау орталығын іске қосылды. Ол "Шахтер" КГКП жанындағы "Барыс" аула клубының базасында Майқұдықта ашылды. Орталыққа аз қамтылған, көп балалы отбасылар, сондай-ақ бала тәрбиелеуде қиындықтарға тап болған патронаттық тәрбиешілер мен қамқоршылар жүгіне алады. Орталық қызметкерлері отбасыларға тегін көмек көрсетеді.
