/img/tv1.svg
RU KZ
DOW J 29 404,07 Hang Seng 27 972,17
KASE 2 332,74 РТС 1 543,30
FTSE 100 7 431,22 Бидай 544,40
Қарағандыда баланы өлтірген күдікті өмір бойы бас бостандығынан айырылды

Қарағандыда баланы өлтірген күдікті өмір бойы бас бостандығынан айырылды

Айыпталушыға үкімді алқа билер соты шығарды.

21 Қаңтар 2020 14:55 2060

Қарағандыда баланы өлтірген күдікті өмір бойы бас бостандығынан айырылды

Сот барысында Игентай Сопыжановты екі полиция қызметкері қолынан басып ұстап тұрды. Бұған дейінгі соттарда күдікті бір рет мойнына қаламсапты тығып жарақаттаса,екінші сотта тырнағымен мойнын осып жіберген. Сопыжанов «тергеуші қысым көрсетті» деп осылай өз-өзіне қол жұмсамақ болған. Айыпталушы өзінің ісін алқа билер соты қарасын деп өтініш білдірген болатын. Бүгін алқа билер соты үш жастағы жазықсыз нәрестенің өмірін қиған айыпталушыға өмір бойы бас бостандығынан айыру жазасын кесті. Үкімді естіген айыпталушы Игентай Сопыжанов сотта «Аллаһ атымен ант етемін, сіздер шындықты естіген кезде бұл қылықтарыңа өкінетін боласыңдар» деп айқайлады .

«Оның орны түрме ғана, енді өмір бойы сонда отырып зардап шексін, бар шындық сотта айтылды», – деп мәлімдеді баланың анасы Ника Васильева.

Еске сала кетсек, Игентай Сопыжанов 2019 жылы 5 қыркүйекте Шет ауданы Бұрма ауылында танысы Ника Васильеваның ұлын қолынан жұлып алып кеткен. Айыпталушы кейін баланы ұрып-соғып, мерт қылған.

Игентай Сопыжанов 2014 жылы жақын қарым-қатынаста болған танысы Ника Васильеваның анасының әпкесін өлтіріп, тоғыз жылға сотталған. Кейін оның жазасы алты жылға қысқарып, өтелмеген екі жыл уақыты бостандығын шектеу жазасына ауыстырылған. Осылайша6 Игентай Сопыжанов жазасын өтеп жүргенде, екінші рет кісі өлтірді.

Арайлым Еркебаева

inbusiness.kz-ті қараңыз, оқыңыз :

Адам өлтіріп 4 жыл бойы қашып жүрген күдікті Мәскеуде ұсталды

Түркістан облысы Сарыағаш ауданында полицейлер аса ауыр қылмыс жасап, төрт жыл бойы іздеуде жүрген күдіктіні ұстады.

12 Тамыз 2019 14:01 2425

Адам өлтіріп 4 жыл бойы қашып жүрген күдікті Мәскеуде ұсталды

Оқиға 2015 жылдың 22 мамыр айында болған. Сарыағаш ауданының аумағында орналасқан ауылдық емханадан «екі аяғынан атыс қаруымен жарақаттанған» деген диагнозбен ер адам жеткізілгені туралы хабарлама кеп түскен.

Полицейлер тексеру жұмыстарын жүргізу барысында ауылдас екі жігіттің арасында кикілжің туындап, ерегіске ұласқанын анықтаған. Сөз көтере алмаған күдікті жәбірленушіні екі танысының көзінше екі ауыздық мылтығымен атып салған. Алған дене жарақатынан жәбірленуші емханада қайтыс болған.

«Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 99-бабы «Адам өлтіру» бойынша тіркеліп, қылмыстық іс қозғалған. Куәгерлерден жауап алу барысында 2019 жылдың 26 мамырында күдіктінің түр-тұлғасы анықталып, аса ауыр қылмыс жасаған тұрғынның тергеуден жасырынып, бой тасалап жүргендігі ескеріліп, оған іздестірілу жарияланған. Осы жылдар аралығында тәртіп сақшылары қылмыскерді іздестіруді жүйелі түрде жүргізіп істі тоқтатпай, барлық полиция бөлімдеріне, тіпті халықаралық деңгейде іздестіру жұмыстарын жүргізген», –деп хабарлайды Түркістан облыстық полиция департаментінің баспасөз қызметі.

Аталмыш қылмыстық істі ашу мақсатында Сарыағаш АПБ-нің полицейлері адам өлтірген күдіктіні ұстау үшін қажетті деген барлық іс-шараларды жылдам іске асырды. Күдіктінің Ресей Федерациясы, Мәскеу қаласында жүргендігі анықталып ұсталған. 2019 жылдың 1 шілдесінде ол Ресей Федерациясынан Шымкент қаласындағы ИЧ-167/11 мекемесіне жеткізілді.

Қазіргі таңда Сарыағаш АПБ-нің тергеу бөлімшесімен осы қылмыстық іске байланысты тергеп-тексеру амалдары жүргізілуде.

Арай Есенбек

Ұтыста жолы болмаған жігіт айырбас бекетін тонап кетті

Нұр-Сұлтан қаласында ұтыста сан соққан жігіт ақша айырбастау бекетінен 10 млн теңге тонаған.

11 Маусым 2019 18:17 837

Ұтыста жолы болмаған жігіт айырбас бекетін тонап кетті

Елорданың полиция департаменті аталмыш қылмыстың ізін суытпай ашқанын мәлімдеп ақпарат таратып отыр.
Сақшылар сол күні-ақ Орал қаласының тумасын күдікті ретінде анықтап, қолға түсірген.
«Күдікті тәулік ішінде ұсталды. Айырбас бекетінің кассиріне пышақ кезенген жігіт 10 млн теңгені қалтасына басып, із жасырып үлгерген. Сақшылар бір тәулік ішінде оның кім екенін анықтап, қолға түсірді», - делінген департаменттің дерегінде.
Тонаушының өзі болса, бұлай тез ұсталамын деп ойламған сыңайлы. Сақшылар тінткен кезде ақшаның бір тиынын да жаратып үрлгермеген. Қазір күдікті уақытша қамау изоляторында отыр. Үстінен Қылмыстық кодекстің 192-бабы бойынша сотқа дейінгі тергеу басталған. Оның бұған дейін де осыған ұқсас қылмыстарға қатыстылығы тексерілмек.
Астаналық полиция өкілдері соңғы уақытта осыған ұқсас тонауға ұшыраған адамдар болса, Нұр-Сұлтан қаласындағы Бейбітшілік көшесі 19 мекенжайы бойынша немесе 71-61-51; 71-63-16 телефондарына хабарласуды сұрайды

Есжан Ботақара

inbusiness.kz-ті қараңыз, оқыңыз :

Жаңалықтарға жазылу: