Қазақстандық каратэші Дархан Асаділов 2020 жылы Токиода өтіп жатқан Олимпиада ойындарындағы алғашқы кездесуін сәтті бастады. Іріктеуде 67 келіге дейінгі салмақта Асаділов түрік Ерай Самданмен кездесті. Жекпе-жектің нәтижесі бойынша Асаділов 6: 2 есебімен жеңіске жетті.
Екінші жекпе-жекте Дархан әзірбайжандық Фирдовси Файзалиевті де 6:2 есебімен ойсырата ұтты.
Ал үшінші жекпе-жекте жерлесіміз жапониялық Саго Наотоны 3: 0 есебімен ұтты. Төртінші кездесуде мысырлық Әли Әл-Савиді де тізе бүктірді. Осылайша Асаділов жартылай финалға шықты және ол кем дегенде қола медаль алады.
Жартылай финалда отандасымыз француз Стивен да Костамен кездеседі. Жекпе-жек бүгін Нұр-Сұлтан уақытымен 17:05-те басталады.
Ермұхамед Мәулен
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
