/img/tv1.svg
RU KZ
KASE 2 383,97 Hang Seng 27 386,82
DOW J 29 225,93 РТС 1 535,81
FTSE 100 7 436,64 Алтын 1 630,50
Кәсіпкерге кедергі жасаған әкімге айыппұл салынды

Кәсіпкерге кедергі жасаған әкімге айыппұл салынды

Жер телімін беруге қатысты өтініштердің мерзімі регламенттелгеніне қарамастан, жергілікті атқарушы органдар тарапынан заң бұзушылықтар орын алуы әлі де кездеседі. 

06 Қыркүйек 2019 15:44 2870

Кәсіпкерге кедергі жасаған әкімге айыппұл салынды

Автор:

Нұрбек Дәуренбеков

Соңғы кезде жер қатынастары саласындағы заңнамалық құжаттарға көптеген өзгерістер енгізілді. Бұл құжаттарда жер телімін беруге қатысты өтініштердің мерзімі регламенттелгеніне қарамастан, жергілікті атқарушы органдар тарапынан заң бұзушылықтар орын алуы әлі де кездеседі.

Сондай оқиғалардың бірі Қазалы ауданындағы Әйтеке би кентінде орын алған. Кәсіпкерлер палатасына жергілікті кәсіпкер А.Медеубаева Әйтеке би кенті әкімдігінің әрекетіне қатысты шағымданып, құқығын қорғауды сұраған.

Кәсіпкер өтінішінде, 2018 жылдың 7 қарашасында Әйтеке би кенті әкімдігі комиссия шешімімен жеке кәсіпкер А.Медеубаеваға 990 шаршы метр жер телімін береді. Әрі қарай 2019 жылдың 17 мамырында Қазалы аудандық жер қатынастары бөлімімен жерге орналастыру жобасына бұйрық шығарылады. Дегенмен жер телімін алу жұмыстары осы жерден тоқтайды.

Бұл жайында Кәсіпкерлер палатасы директорының құқықтық мәселелер жөніндегі орынбасары, Қазақстан кәсіпкерлерінің құқықтарын қорғау жөніндегі уәкіл аппаратының облыс бойынша сектор меңгерушісі Салават Құлмахан былай дейді.

«Жер кодексінің талаптарына сай жер комиссиясының оң шешімі мен уәкілетті органмен бекітілген жерге орналастыру жобасы түскен күннен бастап 7 жұмыс күні ішінде жергілікті атқарушы орган шешім қабылдауы тиіс. Алайда Әйтеке би кенті әкімдігі комиссияның оң шешімі мен бекітілген жобаның болғандығына қарамастан заң талаптарын бұза отырып, кәсіпкердің өтінішін қанағаттандырмаған. Мәселені шешу үшін біз Қызылорда облысының жердің пайдаланылуы мен қорғалуын бақылау басқармасымен бірге жұмыс жасадық»,– деді.

 Жер қатынастары саласындағы заңнама талаптары бұзылып жатқандығы туралы ақпарат түсісімен, Қызылорда облысының жердің пайдаланылуы мен қорғалуын бақылау басқармасы Әйтеке би кенті әкімдігінде тексеру жүргізіп, әкімдіктің кәсіпкердің өтінішін қарау барысында заң талаптарын сақтамағандығын анықтады. Нәтижесімен Әйтеке би кентінің әкімі Ж.Мұратбаевқа 75 750 теңге айыппұл салынды.

Нұрбек Дәуренбеков

inbusiness.kz-ті қараңыз, оқыңыз :

Жер туралы ақпараттың қолжетімсіздігі сыбайлас жемқорлыққа бастап отыр

Жыл соңына дейін әкімдіктер жер учаскелері туралы ақпаратты цифрландыруға тиіс.

15 Наурыз 2019 18:50 1153

Жер туралы ақпараттың қолжетімсіздігі сыбайлас жемқорлыққа бастап отыр

«Атамекен» ұлттық кәсіпкерлер палатасының төралқа төрағасы Тимур Құлыбаев Астанада өткен кәсіпкерлердің сыбайлас жемқорлыққа қарсы іс-қимыл жөніндегі ІІІ республикалық форумында осындай ұсыныс тастады.

Оның айтуынша, бүгінде кәсіпкерлердің мәселесін шешуде әрбір өңірде құрылған кәсіпкерлердің құқығын қорғау кеңесінің алар орны ерекше. Атап өтерлігі, кеңестің жұмысына мемлекеттік қызмет істері және сыбайлас жемқорлыққа қарсы іс-қимыл жөніндегі агенттік қызметкерлері де тартылған. Бұдан бөлек, қаржы министрлігінің жанынан құрылған апелляциялық комиссия да өзім тиімділігін көрсетті. Аталған комиссия салықтық дауларды сотқа жеткізбей шешуге мүмкіндік береді. Тимур Құлыбаевтың пікірінше, бұл тәжірибені басқа да салаларда, атап айтқанда, экология, санитарлық-эпидемиялық қадағалау, мемлекеттік сатып алулар және жер қатынастары салаларында кеңінен қолдану керек.

Төралқа төрағасының сөзінше, бизнес саласындағы проблемаларды, оның ішінде сыбайлас жемқорлық белгілерін анықтауда өңірлерде жүргізілген скрининг шарасының көмегі зор.

«Біз Түркістан, Ақтөбе және Атырау облыстарында пилоттық режимде скрининг жүргіздік. Жыл соңына дейін барлық өңірде скрининг жүргізілетін болады. Осылайша, әрбір елдімекендегі кәсіпкерлікке қатысты пробламалардың өзекті тізімі жасалады. Бұл тізім болашақта ауылдағы инфрақұрылымды дамыту үшін қажет», – деді Тимур Құлыбаев.

Сонымен қатар, төралқа төрағасы соңғы жылдары бизнес үшін берілетін рұқсаттар саны 70 пайызға, ал талаптар саны 60 пайызға қысқарғанын айтты. Бақылаушы органдар тарапынан болатын қысым 20 пайызға, тексеріс жүргізу мерзімі екі есе қысқарған. Қылмыстық заңнаманы ізгілендіру де оң нәтиже берген. Экономика саласындағы қылмыстық істерді тіркеу 5 есе қысқарған.

Тимур Құлыбаев бос жер телімдеріне қатысты ақпаратттың ашық болмауы жемқорлыққа себеп болатынын атап кетті. Ауыл шаруашылығы министрлігінің мәліметі бойынша, 2,3 млн гектар жер пайдаланылмай жатыр. Мониторинг жүйесі жетілмеген, лауазымды тұлғалар өз пайдасы үшін мәліметтерді бұрмалап, жер теліміне құқық беруден негізсіз бас тартады.

«Осының салдарынан жерлер пайдаланылмай, экономикалық процестер дамымайды. Мемлекет бюджетіне төлемдер мен салықтар толық түспейді. Әкімдіктердің мәліметінше, 2018 жылы сауда арқылы 1,1 мың жер сатылған. Бұл барлық сатылымның 6 пайызы ғана. Биыл әкімдерден жер телімінің қолжетімділігі туралы ақпаратты цифрландыру бойыншы жұмысты аяқтауды сұраймыз. Бұл бюджеттің кіріс бөлігін арттыруға мүмкіндік береді. Бірлесе отырып осындай ақпараттық базаны құрамыз. Бұл біздің нақты жұмысымыздың көрсеткіші болады», – деп қорытындылады Тимур Құлыбаев.

Таунхаустарға сұраныс артады

Соңғы бірер жылда жердің бағасы тұрақталды.

23 Қаңтар 2019 09:32 9535

Таунхаустарға сұраныс артады

Ашық деректердегі мәлімет бойынша, 2018 жылдың желтоқсан айында жылжымайтын мүлік нарығында Астана қаласы бойынша сатылымға қойылған жер учаскілерінің саны жыл басындағы көреткішпен салыстырғанда 30 пайыз азайған. Ал баға былтыр жыл айтарлықтай өзгере қоймаған. Мамандардың айтуынша, жыл санап сатылатын жерлердің азаюы нарықтағы алпсатарлықты азайтып, бағаны тұрақтандыра түсуде. Қазіргі таңда Астана қаласында бір сотық жер телімінің құны 1,57 млн теңге. Бұл былтырғыдан 2 пайызға арзан.

Ал Алматыда нарық сәл өзгешелеу. Сатылымға қойылған жер учаскілерінің саны керісінше 24 пайыз көбейген екен. Дегенмен, бұл да Алматыда бағаға әсер етпей отыр. Баға былтырғыдан 5 пайызға қымбаттап, қазір Алматы қаласының ішіндегі бір сотық жердің орташа бағасы 5,28 млн теңгеге жетеді.

Сарапшылардың айтуынша, қазіргі таңда нарықта 5-10 млн теңге аралығында үй салатын жер телімдері үлкен сұранысқа ие. Бұл негізінен орта таптың сұранысы. Яғни, орташа кірістері бар азаматтар қала сыртынан үй салуға кірісіп кеткен.

Сұраныс көбейді дегенмен, көп жағдайда сол орта таптың осындай жер сатып алуға ақшалары жетіңкіремей жатқанын айтады kn сараптама ортағының мамандары. Олардың айтуынша, мұндай жағдайда жер иелері жерді алғаннан кейін үйлерін салып бітіруге шамалары келмей қалады. Әрине, банктер мұндай кезде «көмектесе» алады. Бірақ олар қымбат кепілзатқа аз ақша беріп, олардың берген несиелері үй құрылысына толық жетпейтін көрінеді.

Осыған орай, сарапшылар алдағы бірер жылда қазақтардың, әсіресе, Алматы мен Астана тұрғындарының қала сыртында шаршы метрлері шағын таунхаустарға сұраныстары арта бастайтынын болжайды. Қазірдің өзінде біртіндеп салынып жатқан таунхаустардың шаршы метрі қала ішіндегі пәтер бағасымен бірдей. Ал орналасқан жерінің жер телімі арзан болса, тіпті пәтер бағасынан да арзанға түсуі мүмкін. Осыны ескеріп құрылыс компаниялары қазірден бастап қала сыртынан таунхаус соғуға мән бере бастағаны байқалады.

Өз кезегінде мемлекет те жол, су мен кәріз жүйелері секілді инфрақұрылыммен қамтамасыз ету керектігі белгілі. Елдегі баспана тапшылығы мәселесін шешуге мүдделі тараптардың бірі ретінде үкімет те осы орайда біріге жұмыс істеуі тиіс екенін айтады мамандар.

Қазір қала сыртынан 5-10 млн теңгенің жер телімдерін іздеушілер көбейді. 2015-2016 жылдармен салыстырғанда жер үй алушылар көп. Дегенмен, ол уақыттан бері доллардың курсымен бірге жер бағасы да айтарлықтай қымбаттағаны анық. Дегенмен, соңғы бірер жылда тұрақтала бастағанға ұқсайды.

Бауыржан Мұқан

inbusiness.kz-ті қараңыз, оқыңыз :

Жаңалықтарға жазылу: