Қазақстан әйелдер құрамасы нысана көздеуден Аичи-Нагояда (Жапония) өтіп жатқан 2026 жылғы Азия ойындарында 10 метр қашықтықтан пневматикалық мылтықпен ату сайысына қатысты, деп хабарлайды inbusiness.kz сайты.
Бұл бәсекеде Қазақстан намысын Александра Ле, Елизавета Безрукова және Софья Шульженко қорғады. Іріктеу кезеңінің қорытындысы бойынша, оның нәтижелері командалық есепке де енгізілді, Қазақстан құрамасы 1879,9 ұпай жинап, алтыншы орынға ие болды.
Жекелей есепте спортшыларымыз финалға өте алмады. Александра Ле 15-орын, Елизавета Безрукова 22-орын, ал Софья Шульженко 28-орын алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
