Бегайым Сапарқызы елдегі әйелдер футболының ең жарқын өкілдерінің бірі саналады, деп хабарлайды inbusiness.kz сайты.
Бегайым Қырғызбаева – футболшы ретінде 11 рет Қазақстан чемпионы атанып, 10 мәрте Қазақстан Кубогын жеңіп алған маман.
– Ұлттық құрама сапында 2003 жылдан бері доп теуіп, Қазақстан әйелдер құрамасы тарихындағы ең көп матч өткізген рекордшы атанды. Оның еншісінде елдің басты командасы сапында 85 ойын және 17 гол бар.
Бегайым Сапарқызы бапкерлік қызметін 2022 жылы бастады. Ол "Оқжетпес" және "Елімай" әйелдер командаларын жаттықтырып, сондай-ақ Қазақстан әйелдер ұлттық құрамасында бас бапкердің көмекшісі қызметін атқарды, – делінген хабарламада.
Бегайым Қырғызбаева алдағы уақытта Қазақстан әйелдер ұлттық құрамасының нәтижесіне тікелей жауап беретін болады.
