DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 314,56 Brent 36,55
Қазақстан Чемпионаты қашан басталады?

Қазақстан Чемпионаты қашан басталады?

Наурыз айының соңында тоқтап қалған біріншілік ойындары 15-маусым немесе 1-шілде күні  басталады.

22 Мамыр 2020 01:18 622

Қазақстан Чемпионаты қашан басталады?

Автор:

Ермұхамед Мәулен

21-мамыр күні Қазақстанның Кәсіпқой футбол Лигасы бейнеконференция өткізді. Оған Лига басшылығы мен футбол клубтарының директорлары қатысты. Жиында талқыланған басты мәселе – ол Ұлттық біріншіліктің қашан басталатыны жайлы. Кездесу барысында ҚКФЛ жетекшісі Олжас Абраев Қазақстанның әр аймағындағы эпидемиологиялық жағдайға байланысты футбол маусымының қайта басталуына арналған жоспардың бірнеше нұсқасын ұсынды.  

ҚКФЛ ресми сайтының хабарлауы бойынша қазіргі таңда футболдан OLIMPBET-Қазақстан чемпионатын жалғастыру үшін екі жоспар қарастырылуда.  

Біріншісі – турнир 15-маусым күні көрермендерсіз қайта басталады. Екіншісі – 1-шілдеден бастап жабық трибуналарда. Әзірленген жоспарлардың әрқайсысын іске асыру үшін уәкілетті органдардың рұқсаты қажет. Сондай-ақ премьер-лиганың, бірінші және екінші дивизионның командалары өнер көрсететін аймақтың санитарлық эпидемиологиялық жағдайы туралы ақпарат қажет.

Естеріңізге сала кетсек, бұған дейін ақпарат көздерінде премьер-лиганың жоғарғы дивизионының 3-туры 6-7 маусым өтеді деп хабарлаған болатын. Ал бейсенбі күні Meta-ratings.kz-тің хабарлауы бойынша еліміздің бас санитар дәрігері Айжан Есмағанбетованың шешімімен чемпионат ойындары 1-маусымнан кейін басталуы қажет.

Сонымен қатар конференция барысында ресми футбол матчтары кезінде короновирус инфекциясын болдырмауға арналған хаттама дайындалып жатқаны белгілі болды. Бұл құжат футболшылардың, жаттықтырушылар құрамының, командалардың қызметкерлерінің OLIMPBET - Қазақстан Чемпионатымен ел кубогінің матчтары кезінде вирус жұқтыру қаупін азайту мақсатында жасалуда.

Ермұхамед Мәулен

 

inbusiness.kz-ті қараңыз, оқыңыз :

inbusiness.kz-ті қараңыз, оқыңыз :

Жаңалықтарға жазылу: