Жасөспірімдер лигасының үздік ойыншыларынан құралған құрама Еуропаның беделді клубтарының бірі – мадридтік "Атлетико" академиясының тәрбиеленушілерімен кездесті.
QJL All Star командасы бұл ойынға дейін оңтүстік астанада оқу-жаттығу жиынын өткізіп, алаңдағы өзара түсіністікті арттырып, алаңдағы шеберлігін шыңдауға мүмкіндік алды.
Кездесудің 9-минутында испаниялықтар сапынан Гонсало Гросс есеп ашты.
Екінші таймда қазақстандықтар қарсы шабуылдарын күшейтіп, 58-минутта Мақсат Абраев тамаша соққымен таразы басын теңестірді.
Негізгі уақыт 1:1 есебімен аяқталып, пенальти сериясында "Атлетико" ойыншылары сәл ғана басым түсті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
