Теннистен Қазақстан құрамасы United Cup турнирінің соңғы қатысушысы болып тіркелді. Біз халықаралық жаңа турнирдің ерекшелігі туралы айтуды жөн көрдік.
29 желтоқсан мен 8 қараша аралығында Аустралияның үш қаласында - Брисбен, Перт және Сиднейде тұңғыш рет командалық United Cup турнирі өтеді. Бұл жарыс көрермендер мен қатысушылардың өздері үшін қызықты шоу ғана емес, сонымен қатар спортшылар үшін мотивация болмақ. Хопман және ATP кубогы сияқты бұл жарыста да теннисшілердің ATP және WTA рейтингтерінде 500 ұпай жинау мүмкіндігі бар.
Ұлттық құрама сапынан бұл додаға Юлия Путинцева, Жібек Құламбаева, Гозал Айнитдинова, Александр Бублик, Тимофей Скатов, Денис Евсеев Қазақстан құрамасы мен Григорий Ломакин қатысады. Командалар әр санат бойынша жарысқа үш немесе төрт ойыншыны қатыстыра алады.
United Cup-та алты топқа бөлінген барлығы 18 команда бақ сынайды. Қазақстан құрамасы турнирдің соңғы қатысушысы болды және олар WTA және ATP рейтингтері бойынша қатаң түрде іріктелді. В тобында қазақстандықтармен Польша мен Швейцария құрамалары ойнайды. Бұл командалар үшін топтық кезеңдегі барлық матчтар Брисбенде өтеді. Әр командамен кездесу бес матчтан тұрады. Түстен кейінгі сессияда қыздар мен ерлер арасында жекелей, кешкі сессияда қыздар мен ерлер арасында тағы екі жекелей, содан кейін аралас жұптық ойын (микст) өтеді.
Топтан командалар жартылай финалға өтеді. Алдымен ұлттық құрама үш командадан тұратын топта жеңіске жетуі керек. Содан кейін сол қаланың басқа топтағы ең жақсы командасымен ойнауы керек. Мысалы, A (Грекия, Бельгия, Болгария) және F (Франция, Хорватия, Аргентина) топтары Пертте, В (Польша, Швейцария, Қазақстан) және E (Италия, Бразилия, Норвегия) топтары Брисбенде ойнайды. Сидней - C топтары (АҚШ, Германия, Чехия) және D (Испания, Австралия, Ұлыбритания). Қазақстан құрамасы топта жеңіске жетсе, олар да жартылай финалға шығу үшін Е тобының жеңімпазымен таласады және жеңіске жеткен жағдайда ғана плей-офф кезеңіне өтеді. Осылайша жартылай финалға үш команда шығады. Ал топтық кезеңде үздік нәтиже көрсеткен команда төртінші жартылай финалист атанады.
Барлық негізгі матчтар, жартылай финалдар мен финалдар Сиднейде 10,5 мың көрерменді сыйдыра алатын Ken Rosewall Arena-да өтеді. Бірақ топтық кезеңде Қазақстан құрамасы Брисбендегі Патрик Рафтер атындағы аренада ойнайды. Ол 5,5 мың көрерменді сыйдыра алады. Ал Перт қаласындағы RAC аренасы 15 000-нан астам адамға арналған.
Қазақстан құрамасы бұрын-соңды Хопман кубогында немесе ATP кубогына қатыспаған және бұл команда үшін алғашқы тәжірибе болмақ. Қарсыластарымыз Польша мен Швейцария құрамалары. Бір қызығы, қазақстандық теннисшілер сәуір айында Билли Джинн Кинг кубогында да поляктармен ойнайды. Осылайша желтоқсан-қаңтар айларында біздің спортшылар әлемнің бірінші ракеткасы Ига Швентекке қарсылас атануы мүмкін.
Ал Елена Рыбакинаның бұл турнирге қатыса алмауы көңілге біраз кірбің түсіреді. Ол 16 қаңтарда басталатын Аустралия ашық чемпионатына дайындалатын болады. Сондай-ақ, қарсыластарымыз арасынан швейцариялық Белинда Бенчич пен Стэн Вавринканы, польшалық Хуберт Хуркачты және басқа да атақты спортшыларды көруге болады. Бірақ бұл командалар әлі ресми түрде өз командаларының құрамын жариялаған жоқ.
