Соңғы 8 ойында жеңістің не екенін ұмытқан Қазақстан ұлттық құрамасы FIFA рейтингіндегі өз орнын жоғалтты, деп жазады inbusiness.kz сайты.
Ел құрамасы қараша айында Ұлттар лигасы аясында екі ойын өткізіп, екеуінде де жеңілген еді.
FIFA-ның рейтингінде Қазақстан құрамасы 107-орында тұрған болатын, қазір 110-орынға сырғыды.
Аргентина ұлттық құрамасы 1-орында болса, екінші орын – Францияда, үздік үштікті Испания түйіндеп тұр.
28 қарашада жаңартылған ФИФА рейтингі:
1. Аргентина – 1867,25 ұпай;
2. Франция – 1859,78;
3. Испания – 1853,27;
4. Англия – 1813,81;
5. Бразилия – 1775,85;
6. Португалия – 1756,12;
7. Нидерланд – 1747,55;
8. Бельгия – 1740,62;
9. Италия – 1731,51;
10. Германия – 1703,79;
110. Қазақстан – 1180,18.
Еске салайық, Қазақстан ұлттық құрамасы Черчесов баптағалы 6 ойында 1 ғана ұпай еншілей алды. Қарсыластар қақпасына әлі гол соға алар емес. Қараша айында ел футболшылары өз алаңымызда Аустриядан 0:2, түзде Норвегиядан 0:5 есебімен жеңілді.
