Қазақстандық баскетболшылар қарсыластарынан 48:73 есебімен жеңіліп қалды. Құрамамыздың бүгінгі кездесудегі үздік ойыншысы 18 ұпай жинаған Антон Быков болды.
Айта кетейік, еліміздің баскетболшылары Аустралия, Иран, Қытай және Бахрейн құрамаларымен бірге F тобында өнер көрсетіп жатыр. Дәл қазір Қазақстан құрамасы 13 ұпаймен үшінші орында келеді. Төртінші орында тұрған Иранның да сонша ұпай жинады.
Жапония құрамасының ойыншысы Юдай Баба Иранға қарсы соңғы ойында 27 ұпай жинады. Бұл оның осындай алғашқы жоғары нәтижесі. Осыған дейін ол әлем кубогіндегі іріктеудің алдыңғы 10 матчының ешқайсысында 13 ұпайдан артық жинаған жоқ.
Сондай-ақ Жапония құрамасы 2018 жылы әлем кубогінің іріктеу матчтарында Қазақстанмен өткен екі кездесуде де жеңіске жеткен болатын. Бұған дейінгі өткен матчтарда Жапония еліміздің құрамасынан орташа есеппен 15,5 ұпай алда болды.
Осылайша, Қазақстан әлем кубогінің іріктеу кезеңінің бес матчында жеңіске жеткенімен, соңғы үш матчта жеңілді.
Ермұхамед Мәулен
