/img/tv1.svg
RU KZ
DOW J 23 724,20 Hang Seng 24 275,22
FTSE 100 5 842,66 KASE 2 249,72
РТС 1 143,31 Өнеркәсібі 1 484,00
Қазақстан құрамасының ойыншысы «Зенитке» ауысты

Қазақстан құрамасының ойыншысы «Зенитке» ауысты

Қазақстан құрамасының ойыншысы Аида Гайстенова Санк-Петербургтің «Зенит» әйелдер футбол командасының ойыншысы атанды.

22 Наурыз 2020 00:29 1264

Қазақстан құрамасының ойыншысы «Зенитке» ауысты

Автор:

Ермұхамед Мәулен

Гайстеноваға Еуропаның он футбол клубынан ұсыныс түскен. Сондай-ақ, Ресейден үш команда ұсыныс жасап, олардың арасынан Аида «Зенитті» таңдады.

Fiftywan inc компаниясының баспасөз қызметінің хабарлауы бойынша Аида бұрынғы, яғни 51 нөмірде ойнайтын болады.

2012-2013 ж «Көкше», 2014-2015 ж «Оқжетпес» командаларында ойнаған Аида 2016-жылы елордалық «Астанаға» ауысты. 2017-жылы алматылық «МЖСШМ–Барыс» командасының құрамында ойнады. 2018-жылдың 21-ақпан күні Аиданың Красноярскінің «Енисейіне» ауысқаны белгілі болды. Команда мен футболшы арасындағы келісім-шарт 1 жылға жасалған еді. Бұл Қазақстан әйелдер футболындағы алғашқы трансфер болатын.

Ал, 2019-жылы Пермь қаласының "Звезда-2005" командасына ауысқан 25 жасар футболшы қыз Ресей чемпионатының 1-турында «Локоматив» ӘФК қарсы ойында алғаш рет алаңға шықты. "Звезда-2005" командасының Ресей чемпионы «Рязань-ВДВ» командасына қарсы кездесуіндегі Аиданың дебюттік голы әйелдер арасында өткен Ресей чемпионатының 11-турында пермьдіктерге жеңіс сыйлады. Сол жылы 20-маусым Башқұртстан астанасында өткен Ресей Кубогінің 1/8 финалында "Звезда-2005" ӘФК «Уфаға» қарсы кездесу өткізген болатын. Ойынның 3-минутында Аида есеп ашып, кездесудің 21-минутында дубль жасады. Нәтижесінде, Пермь құрамасы «Уфаны» аса ірі, яғни 10:0 есебімен ойсырата ұтқан еді. Сонымен қатар 2019-жылы "Звезда-2005" командасы Ресей Кубогін жеңіп алған болатын.

Естеріңізге сала кетсек, бұған дейін Қазақстан құрама командасының капитаны Бауыржан Исламханның питерлік «Зенитке» ауысатыны жайлы ақпарат елімізде қызу талқыға түскен. Бірақ, ол оқу-жаттығу ойындары аяқталған соң басқа, яғни БАӘ-нің «Әль-Айн» командасымен келісім-шарт жасады. Қазіргі таңда Бауыржан «Әль-Айн» сапында ойнап жүріп 1 гол соғып, 3 нәтижелі пас берді.

Ермұхамед Мәулен

inbusiness.kz-ті қараңыз, оқыңыз :

inbusiness.kz-ті қараңыз, оқыңыз :

Жаңалықтарға жазылу: