Қазақстан футбол федерациясы Суперкубок үшін жаңа трофейдің дизайнын аяқтап жатыр. Жаңартылған кубокты футбол қауымына жақын арада таныстыру жоспарланған. Бұл туралы Aman vibe телеграм арнасы мәлімдеді.
Алғашқы болып жаңа Суперкубокқа ел чемпионатының жеңімпазы "Қайрат" және Қазақстан Кубогының иегері "Тобыл" арасында өтетін матчтың жеңімпазы ие болмақ. Командалар арасындағы бетпе-бет кездесу 28 ақпанда "Астана Арена" стадионында өтеді.
Суперкубок ойыны дәстүрлі түрде елдегі футбол маусымының ашылуы болып саналады. Қазақстан Премьер-Лигасының 2026 жылғы маусымы 7 наурызда басталады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
