Іріктеу турнирінің жеребесі осы жылдың 6 ақпанында Ньондағы UEFA штаб-пәтерінде өтеді.
Нәтижесінде, 6 командадан тұратын 6 топ және 5 командадан тұратын үш топ құрылады. Албания мен Сербия 2027 жылғы Еуропа чемпионатының қожайындары ретінде тікелей финалдық кезеңге өтті. Лихтенштейн федерациясы жастар құрамасын қатыстыруға өтініш бермеді.
Жеребе тарту үшін UEFA 6 себет жасады. Олар келесідей:
1-себет: Испания, Англия, Португалия, Нидерланды, Германия, Франция, Украина, Италия, Дания;
2-себет: Румыния, Швейцария, Хорватия, Чехия, Польша, Норвегия, Бельгия, Грузия, Ирландия;
3-себет: Словения, Финляндия, Швеция, Аустрия, Словакия, Грекия, Исландия, Венгрия, Болгария;
4-себет: Шотландия, Уэльс, Израиль, Солтүстік Македония, Түркия, Косово, Солтүстік Ирландия, Фарер аралдары, Молдова;
5-себет: Беларусь, Черногория, Босния, Кипр, Латвия, Литва, Қазақстан, Әзірбайжан, Люксембург;
6-себет: Эстония, Мальта, Армения, Андорра, Гибралтар, Сан-Марино.
2027 жылдың маусым-шілде айларында өтетін Еуропа чемпионатында 16 команда ойнайды.
Оның қорытындысы бойынша 2028 жылы Лос-Анджелесте өтетін Олимпиада ойындарына қатысушылар анықталады.
