“Астана Аренаға” ел намысын абыроймен қорғауға шыққан Қазақстан жастар құрамасы Еуро-2027 чемпионатының іріктеу кезеңін маңызды жеңіспен бастады. Қарсылас - Андорра.
Қорғанысқа негізделген футболымен танымал бұл командаға қарсы ойында “Қайрат” клубының жас жұлдызы Олжас Байбек мергендігімен көзге түсті. Оның соққан жалғыз голы матчтың тағдырын шешіп, Қазақстанға алғашқы үш ұпайды әкелді (1:0).
Бұл матчта Дастан Сәтпаев жастар құрамасындағы алғашқы ойынын өткізді. Ол алаңға негізгі құрамда шығып, 85 минут ойнады.
Жастар құрамасын 8 қыркүйекте келесі маңызды сынақ күтіп тұр. Қарсылас Еуропаның алпауыттарының бірі саналатын Англия құрамасы.
Қазақстан құрамасы қатысқан топта сондай-ақ Словакия, Ирландия және Молдова бар. Еуро-2027 додасына тікелей жолдаманы тек топ жеңімпазы ғана иеленеді.
