Соңғы екі жылда олар осы турнирде күміс жүлде иеленген еді. Ал, 2025 жылы тарихи алтынды жеңіп алды!
1/8 финалда жігіттер Үндістан құрамасын (45:35), 1/4 финалда Сауд Арабиясын (45:36), ал жартылай финалда Қытай құрамасын 45:25 есебімен ойсырата ұтты. Финалда біздің команда Франция құрамасымен кездесіп, тартысты күресте 44:43 есебімен жеңіске жетті.
Сондай-ақ күні кеше тағы бір спортшымыз Исабекова Диляра семсерлесуден Еуропа Кубогының U23 күміс жүлдегері атанды.
Софияда (Болгария) өткен U23 Еуропа Кубогына Еуропаның 60-тан астам үздік спортшысы қатысты. Ал қазақстандық спортшы халықаралық аренада өзін лайықты деңгейде көрсете білді. Диляра іріктеу кезеңін сәтті өтіп, 5 жеңіске жетіп, тек бір мәрте ғана жеңіліс тапты.
Ол 1/16 финалға өту үшін Витлиемова Викторияны 15/11 есебімен, 1/8-ге өту үшін Иванова Белославаны 15/11 есебімен ұтты. 1/4 финалға өту үшін Вальверде Мате Инесті 15:14 есебімен, жартылай финалда Бечунова Каролинаны 15/11 есебімен жеңді.
Финалда италиялық спортшы Фусетти Бенедеттамен кездесті. Алайда, табанды қарсыластыққа қарамастан, Диляра алтын медальға қол жеткізе алмай, сайысты екінші орынмен аяқтады.
