DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 325,01 Brent 36,55
Қазақстандағы автокөлік саудасы 60%-ға төмендеген

Қазақстандағы автокөлік саудасы 60%-ға төмендеген

Бірақ сарапшылар авто нарықтың қалыпқа келу нышандарын бағдарлап отыр.

28 Шілде 2016 18:52 7407

Қазақстандағы автокөлік саудасы 60%-ға төмендеген

Автор:

Жанболат Мамышев

2016 жылдың алты айының қорытындысы бойынша, ресми дилер небәрі 20,8 мың жеңіл автокөлік сатқан, бұл былтыр сатылған 52 мың автокөлікпен салыстырғанда төмен көрсеткіш. Жалпы, автокөлік саудасы 60%-ға төмендеген.

Бірақ «ҚазАвтоПром» Қазақстан автомобиль саласы кәсіпорындарының одағы»  заңды тұлғалар бірлестігінің төрағасы Олег Алферов нарықтың қалыпқа келуіне үлкен үміт артып отыр. «Отандық автоөнеркәсіп жұмысының екінші тоқсандағы қорытындысы бойынша, Қазақстандағы автокөлік өнеркәсібі кәсіпорындарының жұмысында қалыпқа келуінің айқын нышандары байқалады»,- деді Олег Алферов баспасөз-маслихатында.

Жарты жылдың қорытындысы бойынша отандық зауыттар 36,6 млрд. теңге көлемінде 3772 автокөлік (жеңіл және ауыр автомобильдер, автобустар) шығарған.

«Егер 2016 жылдың қаңтарында отандық автоөнеркәсіптің құрастырып шығарғаны өнімі 404-тен аспаған болса, ал маусым айының қорытындысы бойынша, өндіріс көлемі 1136 автокөлік деңгейінде болғанын байқадық. Биылғы маусым айының нәтижесі бойынша жеңіл автокөлік сегментіндегі өндіріс былтырғымен салыстырғанда 37%-ға артып, 933 автокөлікті құраған. Бірінші жарты жылдықтағы ауыр техниканың шығарылу көлемі де өткен жылдың осындай кезеңімен салыстырғанда  16,6%-ға өсіп, 718 көлік болды», -дейді Олег Алферов.

Қаңтар-маусым айларында отандық автозауыттардың барлығы 4733 көлік сатқан. Жарты жылдықтың қорытындысы бойынша, Қазақстанда құрастырылған жеңіл автокөліктердің үлес-салмағы өткен жылдың осындай кезеңіндегі  17,3% -дан 22,5% -ға өскен. 

«Қаңтар-ақпан айларының қорытындысы бойынша, жеңіл автокөліктің жергілікті жинағы сегментіндегі үздіктер бестігін KIA, Лада, Hyundai, Skoda және Peugeot құраған.

Сонымен қатар, отандық тұтынушылар JAC, Geely, Chevrolet, Toyota, SsangYong және IVECO автокөліктерін таңдаған. Жол талғамайтын автокөлік Лада 4х4 өзінің көшбасшылық орнын сақтап қалды»,- деді Олег Алферов.

Жанболат Мамышев

Тегтер:

inbusiness.kz-ті қараңыз, оқыңыз :

Lada автокөліктерінің бағасы 6%-ға қымбаттайды

«БИПЕК АВТО –  АЗИЯ АВТО» филиалдарында отандық Lada автокөліктерінің бағасы 200 мың теңгеге дейін қымбаттайды деп болжанды.

27 Қаңтар 2017 17:07 25682

Lada автокөліктерінің бағасы 6%-ға қымбаттайды

«АЗИЯ АВТО» АҚ мәліметіне сүйенсек, 2016 жылы елде 3325 отандық өндірістің Lada автокөлігі сатылды, жалпы сатылым тарихында осы ресейлік брендтің 8146 автокөлігі сатылды. Жыл соңында стандартты жиынтықтағы Granta моделінің құны шамамен 2,5 млн теңгені құрады. «БИПЕК АВТО – АЗИЯ АВТО» автохолдингінің аймақтардағы және астанадағы өкілдіктерінде айтылғандай, 2017 жылы шыққан автокөліктердің бағасы шамамен 200 мың теңгеге қымбаттайды. Компания бұл жағдай бойынша түсіндірме берген жоқ,  автокөліктердің құны 2017 жылдың бірінші ширегінде сатылым басталған кезде жарияланады дейді.

«Автокөліктің құнына қосымша құн салығы қосылады (ҚҚС), сондықтан баға түбегейлі өзгереді. Бұрын оны төлемейтін едік, енді төлейміз. Бұл жаңалық жария етілгенде біз де таң қалдық. Сондықтан салық салудағы айырмашылық салдарынан баға өзгереді», - деп мәлімделді abctv.kz-пен әңгіме барысында «БИПЕК АВТО – АЗИЯ АВТО» астаналық филиалында.

Бұл сөзді «ҚазАвтоӨндіріс» Қазақстан автокөлік саласындағы кәсіпорындар одағы басшылығының төрағасы Олег Алферов те растайды:

«Бұрын Қазақстан өндірушілеріне ҚҚС төлеу бойынша берілген жеңілдіктің әрекет ету мерзімі 2017 жылы аяқталды. Бұл жайт бәсеге қабілеттілікті төмендетіп, заңды түрде отандық автокөліктердің қымбаттауына әкелетінін мойындау керек. Мұндай әсерді білдіртпеу үшін автонесиелерді жеңілдікпен беру бағдарламаларын қосымша капиталға айналдыру және өнімді жеткізуге субсидия бөлу сынды бұл саланы қолдаудың баламалы шараларын қолдануға болар еді».

«БИПЕК АВТО – АЗИЯ АВТО» КТ-да айтылғандай, Қазақстандағы LADA автокөлігінің қазіргі бағалары «АВТОВАЗ» ЖАҚ-тың баға көтеруі ескеріліп белгіленді. Еске сала кетейік, жыл басында  ресейлік «АвтоВАЗ» компаниясы өз өнімінің бағасын көтерді. 2017 жылдың қаңтарында олардың сайтында жарияланған бағалар тізімінде «АвтоВАЗ» бағаларды келесі түрде жоғарылатты: Lada 2-3%-ға қымбаттады. Сондай-ақ Granta-ның (седан) бастапқы бағасы 1,6%-ға, Lada Vesta (седан)  3,2%-ға жоғарылады. «БИПЕК АВТО» сайтында орналастырылған ақпараттан түйгеніміз, ресейлік брендтің 2017 жылы шыққан автокөліктерінің бағасы орташа есеппен 5-7%-ға өсті.

 «БИПЕК АВТО – АЗИЯ АВТО» филиалдарында 2017 жылғы автокөліктер вагондарда бар және оны жеткізуге болатынын айтады. Баса назар аудару керек, Lada маркалы автокөліктердің бағасы «БИПЕК АВТО» сайтында қаңтар айының басында бірнеше күн бойы көрсетілмей келді (отандық өндірістің қалған брендтерінің бағасы белгіленген – автордң ескерпесі). Делдалдық салондарда 2016 жылдан қалған көліктер 2,5 млн теңге бағасымен сатылып жатқанын түсіндірді. Компанияның бағалар тізіміне сәйкес 2017 жылы шығарылған Lada Granta-ның бағасы 2,7 млн теңгеден басталады.

Жергілікті жерде құрастырылған автокөліктер ішінде көш бастап отырған «АЗИЯ АВТО» АҚ-ның өнімі деп көрсетіледі «ҚазАвтоӨндіріс» одағында: 6928 автокөлік сатылды, бұл отандық жеңіл автокөлік сатылымының 59,9%-ын құрайды. «Аллюр» компаниялар тобына кіретін «СарыарқаАвтоӨндіріс» ЖШС 3066 автокөлік өткізді. Кәсіпорынның үлесі 25,2%-ды құрады.

Қазақстанның жеңіл автокөлік өндірушілерінің ішінде екінші орынды иеленген «СарыарқаАвтоӨндіріс» ЖШС-на кіретін «Аллюр» компаниялар тобы» АҚ өз кезегінде мынаны мәлімдеді: «Біздің компания автокөліктің бағасын былтырғы деңгейде сақтауға тырысады. Тек қажеттілік туып жатса ғана автокөлік бағасы сәл жоғарылайды»,  - дейді компания баспасөз қызметі. Еске сала кетейік, бұл компания SsangYong, JAC, Peugeot сынды брендтердің автокөліктерін шығарады.

Бүгінде ҚАБҚ (Қазақстан автобизнес қауымдастығы – автордың ескертпесі) мәліметі бойынша отандық жеңіл автокөліктің құны 4,3-5,3 млн теңге шамасында тұрақтап тұр. Құны үш млн теңгеге дейінгі автокөліктер келесідей маркалар бойынша ұсынылады: Lada – алты модель, UAZ – бес модель, Renault, Geely және Daewoo брендері үш модельден ұсынады.

2016 жылдың қарашасында жалпы сатылым көлемінде Отанымызда құрастырылған автокөліктерінің үлесі 31%-ға жетті, 2015 жылдың қарашасында 17% болған. Орташа есеппен алғанда  өткен жылдың ішінде отандық өндірушілердің сатылым көлемінде 20-25% шамасында болды. Ең жоғары көрсеткіш 2016 жылдың тамыз айында орын алды.

Татьяна Шестакова 

Тегтер:

inbusiness.kz-ті қараңыз, оқыңыз :

Жаңалықтарға жазылу: