Орта салмақтағы қазақстандық боксшы Әли Ахмедов (21-1,16КО) бүгін Ирландияда өткен кезекті жекпе-жегінде француздық Пьер Юбер Дибомбені жеңді. Осылайша ол кәсіпқой мансабындағы 22-ші жеңісіне қол жеткізді, деп хабарлайды inbusiness.kz сайтының тілшісі.
Айта кетейік, бокс кеші Ирландияның Дублни қаласындағы 3Arena кешенінде өтті. Басты жекпе-жекте жергілікті боксшы Каллум Уолш польшалық Пшемыслав Руновскиймен жұдырықтасып, WBC Continental Americas Super Welter белдігін сарапқа салды.
Бокс кеші Геннадий Головкиннің промоутері Том Леффлердің "360 Promotions" промоутерлік компаниясының ұйымдастыруымен өтті.
Еске сала кетйік, бұл – Әли Ахмедовтың осы жылдағы үшінші жекпе-жегі. Ол бұған дейін Карлос Риверо және Энкарнацион Диасты мерзімінен бұрын жеңген болатын.
