Аичи-Нагоядағы ХХ жазғы Азия ойындарында қазіргі бессайыстан әйелдер арасындағы жартылай финал аяқталды, деп хабарлайды inbusiness.kz сайты.
Қазақстанның үш спортшысы финалға жолдама алды.
Жарыстың екінші күнінде спортшылар семсерлесу, кедергілер жолағы, жүзу және laser run сайыстарында бақ сынады.
Аяна Қазбекова 1363 ұпай жинап, өз тобында бесінші орын алды. Диана Щедрова да 1356 ұпаймен бесінші нәтиже көрсетті. Ал Юлиана Петрова 1345 ұпай жинап, тоғызыншы орынға ие болды. Үшеуі де шешуші кезеңге өтті.
Әйелдер арасындағы финалдық сайыс 20 қыркүйекте өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
