Бірінші жартылай орта салмақта Санатәлі Төлтаев (3-0, 2 КО) венесуэлалық Герман Бройкероны (10-1, 10 КО) 6-раундта нокаутпен жеңді.
Қазақстандықтар арасынан турнирде алғашқы болып Жолдас Жеңісов (7-0, 4 КО) жеңіске жетті. Сондай-ақ, тағы бір қазақстандық былғары қолғап шебері Александр Ковригин (8-0, 6 КО) де шаршы алаңға шығып, қарсыласына есе жіберді.
Бірінші жартылай орта салмақта Санатәлі Төлтаевпен бірге Нұржан Серікбаев (5-0-0, 5 КО), ал орта салмақта Елхан Тәбінбаев (8-1, 6 КО) қатысуда. Нұржан Серікбаев Италия өкілі Фиоренцо Приолодан жеңіліп қалды.
Бұл турнирді WBC және Сауд Арабиясының ойын-сауық істері басқармасының басшысы Турки әл аш-Шейх ұйымдастыруда. Әр жеңімпаз Хосе Сулейман атындағы эксклюзивті кубокпен марапатталады (WBC-дің бұрынғы президенті, қазіргі басшы Маурисио Сулейманның әкесі).
Сонымен қатар, турнирде көзге түскендерге ірі промоутерлік компаниялармен келісімшартқа отыру мүмкіндігі де қарастырылған.
WBC және Riyadh Season Гран-приі – 41 елден 128 боксшы қатысатын, төрт салмақ дәрежесінде өтетін ерекше турнир. Турнир 5 бокс кешінен тұрады және барлығы Сауд Арабиясында өтеді.
Жекпе-жектерде тең нәтиже болмайды. Әр кездесу міндетті түрде жұдырық түйістірген қос боксшының біреуінің жеңісімен аяқталады.
