Өзбекстан астанасы Ташкентте көркем гимнастикадан әлем кубогы кезеңі мәресіне жетті, деп хабарлайды inbusiness.kz сайты.
Спортты дамыту дирекциясының баспасөз қызметінің хабарлауынша, шешуші жарыс күні Қазақстан құрамасы топтық сында 5 лента жаттығуында үздік үштікті түйіндеді.
Команда сапында Жасмин Юнусбаева, Айзере Кенгес, Аида Хәкімжанова, Мадина Мырзабай мен Айзере Нұрмағамбетова өнер көрсетті.
Нәтижесінде, Қытай 24.55 баллмен көш бастаса, Польша 23.00 баллмен 2-орын алды. Ал Қазақстан құрамасы 22.20 баллмен үздік үштікті түйіндеді.
Жекелей сында Айбота Ертайқызы шығыршық жаттығуының финалында 4-орынға жайғасты.
Айта кетсек, сәуір айының басында көркем гимнастикадан ұлттық құраманың бас бапкері тағайындалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
