Қазақстандық каратеші әлем чемпионатының қола жүлдегері атанды

97

Дидар Әмірәлі мансабында екінші мәрте әлем чемпионатының қоласына қол жеткізді. 

Қазақстандық каратеші әлем чемпионатының қола жүлдегері атанды

Каир қаласында өтіп жатқан каратеден әлем чемпионатында бүгін Қазақстан құрамасы турнирдегі алғашқы медалін жеңіп алды. 67 келіге дейінгі салмақ дәрежесінде қазақстандық спортшы Дидар Әмірәлі қола жүлдеге ие болды.
Үшінші орын үшін өткен кездесуде Дидар Әмірәлі чилилік спортшы Томас Фрейре Фуэнтеспен сынға түсті. Қарсыластың өрескел ереже бұзғаны үшін Халықаралық карате федерациясы (WKF) чилилік спортшыны дисквалификациялап, жеңіс қазақстандық спортшыға берілді.
Айта кетейік, 2023 жылы Будапештте өткен әлем чемпионатында да Дидар Әмірәлі осы салмақ дәрежесінде қола медаль жеңіп алған еді.

Сондай-ақ Токио-2020 Олимпиадасының қола жүлдегері Софья Берульцева каратеден әлем чемпионатының финалына жолдама алды. Жартылай финалда қазақстандық спортшы Рошель Уолтерсті 5:3 есебімен жеңді.

Бүгін, 30 қараша күні сағат 22:00-ден кейін Берульцева алтын медаль үшін германиялық Йоханна Коленомен кездеседі.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу