2026 жылғы 29–30 мамыр күндері Корея Республикасының Пусан қаласындағы Гвангалли жағажайында жеңіл атлетикадан сырықпен секіру бойынша халықаралық жарыс өтті, деп хабарлайды inbusiness.kz сайты.
World Athletics ұйымының Challenger санатындағы күнтізбесіне енген Busan International Pole Vault Meeting турниріне 10 елден 30-дан астам спортшы қатысты.
Жарыс қорытындысы бойынша Алматы қаласының атынан сынға түскен спортшы Полина Иванова әйелдер арасындағы бәсекеде 4,20 метр нәтижемен күміс жүлдені жеңіп алды.
Халықаралық деңгейдегі бұл турнир жас спортшылардың тәжірибесін арттырып, әлемдік рейтингтік ұпай жинауға мүмкіндік беретін маңызды жарыстардың бірі саналады.
