Конькимен жүгіруші Кристина Шумекова рекорд жаңартып, жасөспірімдер арасында әлем чемпионы атанды

502

Конькимен жүгіруден Қазақстан құрамасының өкілі Кристина Шумекова Германияның Инцелль қаласында өтіп жатқан жасөспірімдер арасындағы әлем чемпионатында жеңімпаз атанды.

Конькимен жүгіруші Кристина Шумекова рекорд жаңартып, жасөспірімдер арасында әлем чемпионы атанды Фото: olympic.kz

Отандасымыз 500 метр қашықтықта алтын медаль иеленді. Шумекова 38.48 уақыт көрсеткішімен мәреге жетіп, жеке рекордын жаңартты.

2-орынды канадалық Джулия Снелгров (38.78) иеленсе, үздік үштікті польшалық Виктория Дабровска (38.96) түйіндеді.

Анастасия Беловодова 12-орын алды, Варвара Глухова – 13-орын, Алина Шумекова – 30-орын, Айзада Рымбек – 54-орынға тұрақтады.

Айта кетейік, осы қашықтықта 2010 жылғы жасөспірімдер арасындағы әлем чемпионатында Екатерина Айдова да Қазақстанға алтын медальді сыйлаған еді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу