Қазақстандық теннисшілер Испаниядағы турнирдің іріктеуін жеңіспен бастады

365

24-30 наурыз аралығында Испанияның Жирона қаласында топырақ төсенішті корттарда кәсіби теннисшілер арасында ATP Challenger Жирона турнирі өтуде.

Қазақстандық теннисшілер Испаниядағы турнирдің іріктеуін жеңіспен бастады Фото: Жеке парақшасынан

Халықаралық турнирге 3 қазақстандық теннисші қатысуда. Тимофей Скатов француз Артур Хеаны 6:2, 7:6 есебімен алғашқы кездесуінде жеңіске жетіп, іріктеудің финалына шықты. Скатовтың келесі қарсыласы Израиль өкілі Даниэль Цукерман болмақ. Матч 25 наурыз, Қазақстан уақыты бойынша 15:00-де басталады.

Тағы бір қазақстандық теннисші Денис Евсеев корт қожайыны Николя Альварес Варонаны 7:5, 5:5 есебімен жеңіп, іріктеуді жеңіспен бастады. Евсеевтің келесі қарсыласы кейінірек белгілі болады. 

Александр Шевченко турнирді 1/16 финалдан бастайтын болды. Ертең, 25 наурыз Қазақстан уақытымен 22:00-де ол Ливан өкілі Бенджамин Хассанмен шеберлік байқасады.

Рейтингі жоғары болғандықтан келесі теннисшілер жарысты негізгі кезеңнен бастайды:

1. Мартон Фучович (Венгрия) – әлемдік рейтингте №90.

2. Александр Шевченко (Қазақстан) – №98.

3. Уго Деллиен (Боливия) – №103.

4. Йеспер де Йонг (Нидерланды) – №105.

5. Душан Лайович (Сербия) – №108.

6. Пабло Карреньо Буста (Испания) – №109.

7. Федерико Кория (Аргентина) – №124.

8. Хуан Мануэль Серундоло (Аргентина) – №126.

Wild Card иегерлері:

1. Душан Лайович (Сербия)

2. Алехандро Моро Каньяс (Испания)

3. Альберт Рамос-Виньолас (Испания)

Сондай-ақ, турнирге Марин Чилич (Хорватия) және Карлос Табернер (Испания) сияқты танымал ойыншылар қатысады деп күтілуде.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу