"ҚазАвтоӨнеркәсіп" компаниясының мәліметіне сүйенер болсақ, осы жылдың қаңтарынан бастап сәуір айы аралығында қазақстандық автодиллерлер 11018 автокөлік сатып алған. Бұл 2016 жылдың осындай кезеңіндегі көрсеткіштен 23%-ға аз. 2017 жылдың сәуір айында сатылған 3449 автокөлік, былтырғы жылдың сәуір айындағы көрсеткіштен 8,9%-ға аз. Ал өткен жылдың наурыз айындағы көрсеткішке қарағанда биылғы сауда 27%-ға өскен.
Автодиллерлердің есептік кезеңде сатқан автокөліктерінің құны 272,8 млн доллар болып, 2016 жылдың осындай кезеңіндегі көрсеткіштен 18,9%-ға жоғары болды. Сәуір айында нарық көлемі бір жыл бұрынғы көрсеткіштен 34,8%-ға өсіп, 89,5 млн долларға жеткен.
Төрт айда сатылған автокөліктер ішінде импорттың үлесі 70,5%, Қазақстанда жасалған автокөліктер үлесі 29,5%. Жалпы 7771 ипорттық автокөлік және отандық 3247 автокөлік сатылған.
"ҚазАвтоӨнеркәсіп" компаниясының мәліметі бойынша, қазақстандық сатып алушылардың таңдауына ең ерекше ие болған шетелдік көлік – Toyota автокөлігі, төрт ай ішінде 2240 Toyota көлігі сатылған. Одан кейін екінші орында тұрған көлік – Lada, ресейлік машинаның 1912-сы сатылған. Сонымен бірге 865 Renault, 774 Ravon және 771 KIA автокөлігі сатылған.
Есептік кезеңде сатылған жеңіл көліктер ішінде Toyota Camry көшбастап тұр. Одан кейінгі орында Lada 4x4. Сондай-ақ төрт ай ішінде 576 Ravon Nexia, 526 Toyota Rav4 және 489 Lada Granta сатылған.
ТөАвтодиллерлер арасында "Бипэк Авто" бірінші орында тұр. Есептік кезеңнің қорытындысы бойынша, нарықта сатылған автокөліктердің 30%-ы осы компаниянікі. "ҚазАвтоӨнеркәсіп" компаниясы мәліметі бойынша, Astana Motors ҚМК үлесі 16,2%, "Вираж" желісінің үлесі – 8,9%, Toyota City – 4,2%, Allur Auto – 3,8%.
Төрт ай ішінде автокөлік ең көп сатылған қалалар – Алматы (2770 бір.), Астана(2149 ), Атырау (788 ), Шымкент (682 ) және Қарағанды (663).
Еске салар болсақ, сарапшылар 2017 жылы 55 мың автокөлік сатылады деп болжаған еді.
Гүлназ Ермағанбетова, Артур Мискарян
