Бірнеше мұнай сервистік компаниялардың жұмысшылары Қазақстан Президентіне Астанада ұсталған мұнайшыларды босату туралы бейнежазба түрінде өтініштерін білдірді, деп хабарлайды inbusiness.kz Интерфакс-қа сілтеме жасап.
Бейнеөтініште "Кезби" мұнай сервистік компаниясының қызметкерлері, егер жақын арада Астанада ұсталған мұнайшылар босатылмаса, барлық жұмыстарды тоқтататынын мәлімдеді.
Осындай өтініштерді "БЖБ" және "Бұрғылау" компанияларының қызметкерлері де жазды.
Бірқатар қазақстандық БАҚ мәліметтері бойынша, Жаңаөзен әкімдігінің алдындағы алаңда көп адам жиналып, тұрғындар интернет жұмысының бұзылуына шағымданған.
Сейсенбі күні кешке Астанада құқық қорғау органдарының қызметкерлері Маңғыстау облысының Энергетика министрлігі ғимаратының жанына жиналған жүзден астам жұмысшыны ұстады.
Өткен дүйсенбіде Жаңаөзеннен шыққан "БерАли Маңғыстау Company" мұнай сервисі компаниясының 150-ге жуық жұмысшысы Астанадағы Энергетика министрлігінің ғимаратына жиналып, оларды "ҚазМұнайГаз" – дың "Өзенмұнайгаз" компаниясына жұмысқа орналастыруды талап етті. Олар өздерінің компаниялары тендерден ұтылғандықтан жұмыссыз қалғандарын түсіндірді. Жұмысшылар сол жерде түнеп, күні бойы далада өткізді.
Ереуілшілерге жалақысы орташа есеппен 700 мың теңгені құрайтын басқа компанияға жұмысқа орналастыру ұсынылды. Алайда, "БерАли Маңғыстау Company" компаниясының бұрынғы қызметкерлері тендер нәтижелерінің күшін жоюды талап етіп, ұсынылған шарттардан бас тартты.
Сондай-ақ, ҚМГ конкурстық рәсімдердің заңдылықтың сақталуына тексеру жүргізілгенін, соның нәтижесінде бұзушылықтар анықталмағанын атап өтті. Компания елордаға келгендердің талаптары "қабылданған құқықтық рәсімдердің бұзылуына байланысты орындалмайды" деп санайды.
Сонымен қатар, Астанада жиналған Жаңаөзендік жұмысшылар санкцияланбаған митинг өткізгені үшін полицияға жеткізілгені белгілі болды. Заң бұзғандар ҚР Әкімшілік құқықбұзушылықтар туралы кодексінің 488 және 667 баптары бойынша жауапқа тартылатыны айтылған. Аталмыш баптардың талаптарына сәйкес кінәлі адамдарға ескерту жасалады немесе 30 айлық есептік көрсеткіш көлемінде айыппұл салынады. Сондай-ақ 15 тәулікке әкімшілік қамауға алынуы мүмкін.
