Турнирдің 2-айналымында Елена бельгиялық Элисон Ван Эйтванкпен кездесіп, оны 5:7, 6:2, 7:6 есебімен ұтқан болатын.
WTA баспасөз қызметінің хабарлауы бойынша Әлемнің 17-ракеткасының аяқ бұлшық еті жарақаттанған.
"Аяғымның бұлшық етінің тартылуына байланысты турнирді осы жерден аяқтауыма тура келеді. Өте өкінішті, әрине. Денсаулығыма қауіпті болғандықтан, тәуекелге барғым келмейді. Келер жылы міндетті түрде қайта ораламын. Қолдау көрсеткендеріңізге рахмет!" - деді Елена Рыбакина.
Дохада өтіп жатқан теннис турнирінің 3-айналымында Рыбакина Әлемнің бірінші ракеткасы аустралиялық Эшли Бартимен кездесуі керек еді. Енді Рыбакина денсаулығына байланысты турнирді аяқтағандықтан, Эшли Барти бірден ¼ финалға шықты.
Ермұхамед Мәулен
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
