Қазақстанның Орталық Азия елдеріне бағытталған экспорты импортынан үш есе көп – зерттеу

Қазақстанның Орталық Азия елдеріне бағытталған экспорты импортынан үш есе көп – зерттеу

12:20 27 Шілде 2021 1747

Қазақстанның Орталық Азия елдеріне бағытталған экспорты импортынан үш есе көп – зерттеу

Автор:

Қазақстанның Орталық Азия елдерімен тауар айналымы бір жылда 35% өсті.  

Жалпы Қазақстан Орталық Азия нарығында басым позицияға ие болып отыр: аталған аймақ бойынша елдің экспорты импортынан үш есе көп, деп хабарлайды inbusiness.kz порталы finprom.kz зерттеу агенттігіне сілтеме жасап.

2021 жылдың қаңтары мен мамыры аралығында Қазақстанның Орталық Азия елдерімен тауар айналымы 2,3 млрд долларға жетті. Бұл – бір жыл бұрынғы көрсеткіштен 34,7% артық. Орталық Азия елдерінің сыртқы саудадағы үлесі 4,7%-дан 6,3%-ға өсті. 

Орталық Азия елдерімен тауар айналымының үштен екі бөлігі Өзбекстанға келеді: бір жылдың ішінде осы елмен тауар айналымы 1,5 млрд долларына жетіп, бір жылдың ішінде 46% өскен. Жалпы тауар айналымының құрылымында Өзбекстанның үлесі 4,1% құрады.

Одан кейінгі орындарда Тәжікстан (426,1 млн доллар, +22,9%) мен Қырғызстан (328,7 млн доллар, +8,2%) тұр. Түрікменстанмен тауар айналымы 74,6 млн долларына жетіп, бір жыл бұрынғы көрсеткіштен 49% асып кетті.

«Қазақстанның Орталық Азия елдеріне бағытталған экспорт 1,7 млрд долларға жетіп, бір жыл бұрынғы көрсеткіштен 35,4% артты. Экспорттың 65,9% Өзбекстанға жөнелтілген (1,1 млрд доллар, + 58,4%). Сонымен қатар Тәжікстанға 297,1 млн доллардың тауары жөнелтілсе, Қырғызстанға 227,2 млн доллардың, Түрікменстанға 48,6 млн доллардың тауары жеткізілді»,  делінген зерттеуде.

Қазақстанға келетін барлық импорттық тасымалдың құрылымында Орталық Азия елдерінен келетін импорттың үлесі 4,2% құрады.

«Жыл басынан бері Орталық Азия елдерінен Қазақстанға 624,2 млн доллардың тауары жеткізілді. Бұл – бір жыл бұрынғы көрсеткіштен 33% көп. Қазақстанға Өзбекстаннан 367,7 млн доллардың (+18,3%) тауары әкелінсе, Тәжікстанның импорты бірден 2,4 есе ұлғайды (129 млн доллар). Қырғызстан мен Түрікменстаннан келетін импорт 12,9% және 80,3% өсті. Осы жылдың бес айының қорытындысы бойынша Қазақстанның Орталық Азия елдеріне экспорты импортынан 2,7 есе көп болды», - делінген хабарламада.
 

igor-sonnyn-anasy-igordin-tabysy-inisine-komek-bolady

milad-karimi-ush-finalga-zholdama-aldy

olimpiada-zharshysy-ushinshi-zharys-kuni-sajyska-tusetin-kazakstandyk-sportshylardyn-kestesi

rasul-zhumaly-sajlau-kiyal-gazhajyptar-alemi-emes-mumkindikter-alany

olimpiadanyn-algashky-kuni-kola-zhulde-enshiledik-ekinshi-kuni-biz-ne-kutemiz

загрузка

×