/img/tv1.svg
RU KZ
РТС 1 099,76 FTSE 100 5 704,45
KASE 2 214,78 DOW J 22 658,48
Hang Seng 24 094,93 Алтын 1 682,10
«...Қазақтың жігіттері екіжүзді болмауы керек» - Ринат Зайытов

«...Қазақтың жігіттері екіжүзді болмауы керек» - Ринат Зайытов

Алматыдағы митингте қамауға алынған айтыскер ақын жазбаша мәлімдеме жасады.

13 Маусым 2019 17:26 1824

«...Қазақтың жігіттері екіжүзді болмауы керек» - Ринат Зайытов

Автор:

«Әзірге тыныштық. Маңайымдағы адамдардың қайсысы жанашыр, қайсысы арандатушы екені ептеп білініп келеді. Алатаудың алдына шыққан себебім,  Халыққа уәде бергенмін алдансам алдыларыңа шығып кешірім сұраймын деп. Мен Қазақпын, ал қазақтың жігіттері екіжүзді болмауы керек. Сөзімде тұрдым! Сол сәттегі жағдайды пайдаланып, ары қарай мені өз ойындарына кіргізгісі келетін арсыздарға ермеймін. Халық та ермейді, ақымақ емеспіз», – деп жазды ол өзінің instagram парақшасына.

Ақын Әблязов пен Қосаноқа бағыттаған сөзінде: «Аблязовқа, Қосановқа айтарым, еркек болса, елден кешірім сұрасын. Ешқашан ешкімнен ақша да, басқа да алып, елімді алдаған емеспін. Солай болып қаламын!!! Мен халықты өзім алданған өтірікке сендіргенім үшін айыптымын. Бар кінәм сол. Сол үшін экранның ар жағынан емес Халықтың алдында кешірім сұрадым. Ол жасағаным қылмыс емес шығар. Ұлтым үшін туғанымды өлгенше дәлелдеп өтуге дайынмын! Тек уақыт беріңіздер, қалғанын кейін айтайын», – деп мәлімдеді Ринат Зайытов.

Ұмытпасаңыздар, 10 маусым күні полиция айтыскер ақын Ринат Зайытовты «Алматы Арена» маңынан алып кетті. Сол-ақ екен алматылықтар көшеге шығып, билікке ақынды босату туралы талап қойды. Ізінше ақын instagram желісі арқылы өзіңнің қамаудан босап шыққанын таратты. Халықты сабырға шақырып, үйлеріне қайтуларын өтінді. Көпшілік кетпей, табандап тұрып алған соң, ақын халықтың ортасына келіп: «Барлықтарыңызды жақсы көремін. Жасыратын несі бар, осындай кезде, үй өртеніп жатқан кезде, біреу бас ұйытқысы келеді, арандататындар болады, оның несін жасырамын. Бірақ ол үшін қарапайым қазақ неге жылауы керек? Қарапайым қазақтың неге маңдайы қанауы керек? Осыны түсініңіздерші, мен барлығыңыз үшін осы жерде өлуге дайынмын. Маған реніші болатын болса, мені ұрсыншы. Мен жаңа үйден келдім, сондықтан барлығыңыз тараңыздар. Дәл осы сәтте арандатуға түсіп қалмай, тараңыздар», – деп басу айтты.

11 маусым күні полиция өкілдері Ринат Зайытовтың ұсталуына қатысты пікір білдіріп, оның митингке қатысқаны үшін полицияға жеткізілгенін, түсіндіру жұмыстары жүргізілген кейін үйіне қайтарылғанын баяндады.

ВИДЕО:

 

inbusiness.kz-ті қараңыз, оқыңыз :

Тимур Құлыбаев пен Қайрат Боранбаев ауруханаларға жедел жәрдем көліктерін сыйлады

Арнайы жабдықталған мобильді орталықтар Алматыдағы коронавирустық инфекциямен күресіп жатқан емханаларға табыс етілді.  

07 Сәуір 2020 19:23 725

Тимур Құлыбаев пен Қайрат Боранбаев ауруханаларға жедел жәрдем көліктерін сыйлады

«Атамекен» ҚР Ұлттық кәсіпкерлер палатасының президиум төрағасы Тимур Құлыбаев пен кәсіпкер Қайрат Боранбаев Алматы қаласы әкімдігінің сұранысымен коронавирустық инфекцияның таралуын алдын алу мақсатында сегіз заманауи Ford Tranzit жедел жәрдем көлігін сатып алды.

Оларда барлық қажетті медициналық жабдықтар бар. Атап айтсақ, электрокардиограф (ЭКГ), өкпені жасанды инвазивті және инвазивті емес желдететін аппарат,  оттекті ингалятор, ларингоскоп, аспиратор, сырғыма арбалар сынды медициналық құралдар.

Мобильді орталықта сынамалар алуға, полимеразды тізбекті реакция жүргізіп, тез арада инфекцияны анықтауға болады. Көлікте медицина мамандары мен жүргізушіге арналған қорғаныш құралдары, 2 мың литр дезинфекциялық сұйықтық бар. Өкпені жасанды желдету аппаратына қосуды қажет ететін науқастарды тасымалдауға арналған арнайы техника Шымкент қаласындағы «Қазмедаспап» ЖШС базасында жабдықталған. 

Барлық жедел жәрдем көліктері Алматының коронавирустық инфекциямен күресіп жатқан медициналық мекемелеріне беріледі. Әсіресе індетті бастапқы кезеңде анықтау мен мегаполистің шеткі аудандарындағы жағдайы ауыр науқастарды тасымалдауға жұмылдырылады.

Көмекті «Халық» қайырымдылық қоры «Медикер Ассистанс» медициналық компаниясының, INVIVO зертханалар желісі және Medical Partners Korea Qazaqstan клиникаларының қатысуымен жүзеге асырған.

Құралай Құдайберген

Неге халық үшін үйде отыру азапқа айналды?

Азаматтар әртүрлі себеп айтып, карантинді бұзуға рұқсат сұрауда.  

05 Сәуір 2020 19:13 441

Неге халық үшін үйде отыру азапқа айналды?

Мемлекет басшысынан бастап қоғам белсенділеріне дейін азаматарды үйде болуға, бей-берекет сыртқа шықпауға шақырып жатыр. Алайда төрт қабырға ішінде қамалып отыру адамдар үшін ең ауыр жаза болып отыр. Мысалы, елордада үй жануарларын көшеде серуендетуге рұқсат етілді. Осыдан кейін ит асырап алушылар көбейе бастаған.

Елорда тұрғыны Болат Келдібеков сыртқа шығу үшін үйіне ит кіргізгісі келмейді. Ол қала әкімі Алтай Көлгіновтен және төтенше жағдайлар мемкомиссиясынан жүгіру, спортпен шұғылдану үшін далаға шығуға рұқсатнама беруді сұрайды.

«Комиссия қабылдаған қатаң шараларды толық қолдаймын. Сонымен бірге тұрғындарға таза ауада, ауладағы спорт алаңында, парктерде, скверлерде, Есіл жағалауында дене шынықтырумен айналысу үшін үйден шығуға мүмкіндік беруді өтінемін. Біз қауіпсіздік шараларын сақтаймыз. Маска киіп жүреміз. Өзге адамдардан аулақ боламыз. Бір жерге шоғырланбаймыз. Тіпті сыртқа шығу уақытын белгілесе де көнеміз. Оған таңғы уақытты бөлсе жарар еді», – дейді ол.

Осы мәселені көтерген қазақстандықтар кез келген вирусқа қарсы тұратын қуатты қару – адамның иммунитеті екенін алға тартады. Ал иммундық жүйені таза ауа мен дене шынықтыру күшейтеді дейді олар.

«Біздің халық онсыз да денені шымыр етуге құлықсыз. Ендеше қазіргі карантинде адамдар өз денсаулығына мән беріп, қол боста спортқа ден қоюы ықтимал. Шылымқор үшін темекі тарту сияқты спортпен ұдайы шұғылданатын адамдар үшін сыртта дене шынықтыру – өткір қажеттілік. Бірқатар елдерде көшеде дене шынықтырумен айналысуға тыйым салынбағанын жаңалықтардан көрдім. Бұқаралық спортқа Елбасының өзі мән беріп отыр ғой. Сондықтан биліктен осы мәселенің оң шешімін тауып, рұқсат беруін сұрадым», – дейді Болат Келдібеков.

Әрине, халықтың спортты таңдауын билік жақтайды. Бірақ көшеде, парктерде дене шынықтырумен айналысуға жол ашса, осыны сылтауратып, барлық адам жаппай көшеге шығып кете ме деп қауіптенеді. Өйткені тәртіп сақшыларына адамның сыртта спортпен шұғылданғанын, әлде басқа мәселемен сенделіп жүргенін анықтау қиынға түспек.

Елорда әкімі Алтай Көлгінов те бұған жол бере алмайтынын жеткізді.

«Мемкомиссияның және Нұр-Сұлтанның жедел штабының нұсқауына сәйкес, азаматтардың және жеке көліктердің қозғалысына шектеу қойылды. Нұр-Сұлтан және Алматы қалаларында жұмыссыз режим 13 сәуірге дейін ұзартылды. Осы уақытта тек бірнеше себеппен ғана сыртқа шығуға болады: біріншіден, жұмыс істеуіне рұқсат етілген ұйымдар қызметкерлері үйінен жұмыс орнына барып-қайта алады. Екіншіден, азық-түлік, дәрі-дәрмек сатып алу үшін үйге не жұмысқа жақын орналасқан дүкен мен дәріханаға баруға рұқсат. Үшіншіден, шұғыл жағдайда емхана-ауруханаға баруға кедергі жоқ. Төртіншіден, үй жануарын үй жанында серуендетуге болады», – деді А.Көлгінов.

ТЖ салдарынан жұмыссыз ерігіп отырған кейбір еркектерді әйелдері үйлеріне сыйғызбайды екен.

Алматы тұрғыны Геннадий Ерохин төтенше жағдай туралы хаттамаға өзгеріс енгізіп, баламен далада қыдыруға рұқсат етуді сұрайды.

«Жаңа туған сәбиім бар. Үйде жылап, мазаны кетіреді. Дала жылы. Демек, бала арбасынан әрі аспайтын бөбектері бар адамдарға көшеде серуендеуге кедергі болмуы керек. Бала арбадан басқа нәрсеге қол тигізбейді», – дейді Геннадий.

Алматы әкімі Бақытжан Сағынтаев тұрғындардан түскен осы ұсынысты қалалық жедел штаб қарағанын хабарлады. Бірақ рұқсат етпепті. Пандемия ошақтарында Covid-19 ауамен таралмасына еш кепіл жоқ.

«Алматы қаласында тұрғындардың қауіпсіздігі үшін режим күшейтілді. Сондай-ақ азаматтардың баспанадан шығуы да шектелді. Сондықтан әсіресе, кішкентай балдырғандары бар адамдарға аса қажеттілік болмаса, сыртқа шықпауға кеңес береміз», – деді Б.Сағынтаев.

Ел Үкіметі Ақмола және Алматы облыстарындағы шипажай-санаторийлерді жауап тастады. Бірақ Көкшетау, Щучинск қалаларында жалға берілетін жеке үйлерге карантиннен қашқан мегаполистер тұрғындары қоныстанып алыпты. Олар әлеуметтік желілер арқылы орманда серуендеп жүргендерін мақтана айтып, фотоларымен бөлісуде. Бұл денсаулыққа дәру, сырқатқа шипа қарағайлы орман аумағында коттедж ұсынатын азаматтарды қуантқанымен, өзге тұрғындарды қапаландырып отыр. Олардың талап етуімен 31 наурыздан бастап Ақмола облысы карантинге жабылған.

«Көкшетау жеке карантинге жабылуы керек. Бұл – қалада пандемия өршімеуі үшін керек. Өйткені Нұр-Сұлтан және Алматы қалалары тұрғындарының 15–25 пайызы карантин қарсаңында Ақмола облысының курорттық аймағына үдере «көшті». Олар Көкшетауға да еніп кетеді. Көкшетау тұрғындары қаланың толық жабылғанын және ешкімнің ішке кіргізілмеуін қалайды», – дейді Ақмола облысының әкiмi Ермек Маржықпаевқа жүгінген қала тұрғыны Забира Шинтемирова.

Алматылық белгілі заңгер Ержан Есімханов қалалықтарға сөз өтпейтініне күйінді.

«Мен Алматыда жеке секторда тұрамын. Жексенбі күні таңертең тұрып, үй ауласын ретке келтірмек болдым. Бәрібір үйде отырмын, баспанамның айналасын тазалайын, дуал сыртындағы ағаштарды суарайын дедім. Осы іспен шұғылданып жатқанымда қасымнан, қара жолмен көліктер жүйткумен болды. Ондаған емес, жүздеген көлік. Музыканы аңыратып, терезесін ашып тастаған, бетін маскамен бүркемелеген тұрғындар көлік жүргізіп барады. Кейбір машина балаға толы. Отбасылар әлдеқайда бет алған. Көңілдері көтеріңкі, күлімсірейді. Тіпті маған қол бұлғады. Жүйені, режимді бұзғанына мәз», – деп реніш білдірді сарапшы.

Мемлекет азаматтарға қашықтан жұмыс істеуге мүмкіндік берді, үйде болуды сұрады. Өтемақы да төлеуде.

«Ал бұлар жүйені «алдап» соққанына мәз. Бұл демалыс күн ғой, әдеттегі жексенбі емес, карантиндегі жексенбі. Олай болса, көшелер босап қалуға, шөл даладағыдай тыныштық орнауға тиіс еді. Олардан қарапайым нәрсе сұралды: жай ғана үйде бол. Басқа ештеңе де істеме. Жиі қол жу. Сонда мемлекет індетті жеңеді. Үкіметті сыйламайды екенсіз, осыны өтінген дәрігерлерді, жұлдыздарды, қайраткерлерді, туысыңызды тыңдаңыз. Алайда кейбір адамдар үшін жүйеге қарсылық білдіруді, көлікке тиеліп, қонаққа баруды бәрінен жоғары қойды. Ертең вирус жұқтыра қалса, өзін емес, билікті, басқасын айыптап шулайтын да осындай жауапсыз адамдар болады», – дейді Ержан Есімханов.     

Сарапшылар өзінің де, өзгенің де өміріне салғырт қарайтын адамдар кесірінен пандемиямен күрес ұзап кетуі мүмкін деген болжам жасайды.

Жанат Ардақ

inbusiness.kz-ті қараңыз, оқыңыз :

Жаңалықтарға жазылу: