Бұған дейін депутат Асхат Аймағамбетов МӘМС жүйесін сынға алған болатын. Мәжілісменнің айтуынша, әр азамат қорға қанша қаржы түскенін білуі керек.
"Жүйе бойынша тиісті жұмыс жүргізіліп жатыр. Қазіргі таңда МӘМС-ке жаңа басшылық келді. Бір айдың ішінде атқарылған жұмыстың нәтижесінде көптеген кемшілік анықталды. Бұл кем тұстарды пысықтап, халыққа жеткіземіз, - деп түсіндірді ол.
Көлгінов бағдарламаның бірнеше кемшін тұсын атап өтті.
Біріншіден, ашықтық жоқ және цифрландыру жұмыстары жүргізілмеген. Мәселен, кейбір медициналық ұйымдар бір қызмет көрсетіп алып, бірнеше қызметті көрсеттік деп жазып отырған. Сондай-ақ кейбір азаматтардың смартфонына жалған хабарлама келіп отырған. Қазіргі таңда 52 мың адамға жалған медициналық көмек көрсетілген деген фактіні анықтап отырмыз, - деді вице-премьер.
Сондай-ақ, журналистер вице-премьерден атышулы "ArtSport" бағдарламасының қазіргі жайы туралы сұрады.
Көлгіновтің сөзінше, "ArtSport" бағдарламасына былтыр тиісті өзгеріс енгізілген.
Бұрын жаңа бағдарлама ретінде басталған кезде балаларды нақты база бойынша келді деген, ал шын мәнінде олай болмаған. Мұны Прокоратура тексеріп, қаншама миллиардтаған шығын анықталды. Мәселенің қайталанбауы үшін цифрландыру жұмыстары жүргізіліп жатыр. Жобаның базасының бәрін біріктіріп, интеграция жасауымыз керек. Сонда ғана ашықтықты қамтамасыз етеміз. Оған биыл өңірлерден 86 млрд теңге қаражат бөлінді. Бағдарлама жасөспірім мен оқушылардың спортпен айналысуына мүмкіндік береді, - деді Алтай Сейдірұлы.
Еске сала кетейік, бұған дейін Мәдениет және спорт министрі Асхат Оралов 2023 жылы мемлекеттік спорттық-шығармашылық тапсырысты жалғастыру үшін жергілікті атқарушы органдар 560 мыңнан астам балалар мен жасөспірімдерді қамтуға 86,7 млрд теңге бөлінгенін айтқан айтты.
