2018 жылдың қараша айы қорытындысы бойынша "D" санатты бюджетті кеңселердің айлық жалдау құны өткен жылдың қарашасымен салыстырғанда 73,9% қымбаттап кетті. Нақтырақ айтар болсақ, бір жыл ішінде бюджетті кеңселердің шаршы метрінің жалдау құны 1610 теңгеге, ал "В" санатты кеңсенің шаршы метр құны 7,4%, яғни 2776 теңгеге қымбаттаған. Ал "А" санаттағы элиталы кеңсе құны керісінше 0,2% арзандап, шаршы метріне 4147 теңгеге төмендеді.
Сонымен қатар дүңгіршектерді жалдау бағасы да бір жылда 27,1% арзандап, 3460 теңгеге төмендесе, дәріханаларды жалдау құны шаршы метріне 19%, яғни 3766 теңгеге, ал дүкендердің бағасы 15,8%, яғни 2239 теңгеге арзандады. Есесіне сауық орындары мен сауда орталықтарындағы бутиктердің жалдау құны бір жылда шаршы метріне 3,8%, (5363 теңгеге) қымбаттады.
Қоғамдық тамақтандыру орындары ішінде мейрамханаларды жалдау ақысы 26,9% (2065 теңгеге) арзандаса, дәмханалар – 14,6% (2434 теңгеге), асханалардың бағасы 11,8% (1693 теңгеге) арзандады.
Түрлі тұрмыстық сервистер мен қызметтерге арналған ғимараттардың ішінде жалдау тарифі тек шаштараз бен сұлулық салондарына қымбаттады. Бұл екі бизнес түрі үшін арналған ғимараттардың құны былтырғыдан 1% (2657 теңгеге) қымбаттаған.
Ал бильярд орындары керісінше 46,9% (858 теңгеге), фотосалондар 16,6% (4422 теңгеге), химиялық тазалау мен киім жуу орындары 12,7%, (4314 теңгеге), фитнес-клубтар мен шынығу орындары 9,4% (1278 теңгеге) арзандады.
Қоймалар арасында ең қатты қымбаттағаны "С" санатты қоймалар. Мұндай қоймалар бір жылда шаршы метріне 6,2% (941 теңгеге) қымбаттаса, "В" санатты қоймалар 6% (1482 теңгеге), қымбаттап, "А" санатты қоймалар 4,2% (2618 теңгеге), ал "D" санатты қоймалар 2%, (601 теңгеге) арзандады.
Көлік жуу орындары 38% қымбаттап кетті. Ал ТЖӨ орындары 1,5% арзандады.
Өндірістік цехтарды жалдау бағасы 9% қымбаттаса, өндірістік базаларды жалдау ақысы 25,4% арзандап кетті.
Жер үсті автотұрақтары 60,6% арзандаса, жер асты тұрақтары бағасы 38,7% төмендеді.
Валюта айырбастау пунктерін жалға алушылар былтырғымен салыстырғанда биыл 35,2% көбірек төледі. Ал банк филиалдары үшін берілген орындардың ақысы 0,8% қымбаттады.
Айта кетейік, қаңтар-қараша аралығында салынған тұрғын емес нысандар саны былтырғыдан 2,7% аз салынып, 4,2 мыңды құрады.
Соның ішінде 1,1 мыңы сауда нысандары, бұл өткен жылғыдан 5,5% аз.
Есесіне ауыл шаруашылық нысандары 33% ұлғайып, 274-ке жетсе, мәдени-сауытыру орындары 25,6% артып, 157-ге жетті.
Бауыржан Мұқан
