Бұл туралы AmanVIBE телеграм каналына сілтеме жасап inbusiness.kz сайты хабарлайды.
Дәл осы күні Қазақстан футбол федерациясы ел кубогының бастапқы кезеңінде Премьер-лига клубтарына легионерлерсіз ойнау немесе олардың санын шектеу жөнінде ұсыныс жасауды қарастырып жатқан көрінеді.
Қазіргі уақытта 1/16 финалдағы шетелдік ойыншылардың қатысуына қатысты нақты шешім қабылданбай отыр. Десе де, бұл мәселе клубтармен талқыланып, содан соң ғана түпкілікті шешім шығарылмақ.
Алғашқы ойындар сәуір айының 8-9 күндеріне жоспарланған. Бұл кезеңде командалар бір ойыннан ғана өткізіп, келесі айналымға жолдама алады.
Қазақстан кубогына Премьер-лига, Бірінші және Екінші лига командаларымен қатар әуесқой ұжымдар да қатыса алады. Жарыс жеңімпазының келесі маусымда еурокубоктарға қатысу мүмкіндігі бар.
Бүгінде турнирдің жеңімпазы – қостанайлық "Тобыл" клубы.
