Соқыр жеребенің қорытындысында армрестлинг спортынан әлемнің бірнеше дүркін чемпионы Қыдырғали Оңғарбаев жаһанның кіл мықты қол күресшілері бақ сынап жатқан ТОП-8 сайысының екінші кезеңінде "Халк" лақап атымен есімі алты құрлыққа әйгілі болған грузиялық Леван Сагинашвилимен күш сынасатын болды.
Айта кету қажет, Оңғарбаевтың бұл жолғы қарсыласының салмағы 170 келі тартады. Әлемнің 7 дүркін чемпионы әлемнің ең мықты қол күресшісі болып саналады.
Армрестлинг спортынан жаһандағы кіл жүйріктен ең жүйрікті анықтайтын ТОП-8 сайысының екінші кезеңі Гонконг қаласында өтеді деп күтіліп отыр.
Естеріңізге сала кетейік, 24 жастағы Қыдырғали Малайзияның Кучинг қаласында өткен ТОП-8 сайысының бірінші кезеңінде өзінен 50 келі ауыр Польша елінің спортшысы Алекс Курдечаны 5-1 есебімен ойсырата жеңген болатын. Жыл соңына дейін алдағы екі кезеңнен сүрінбей өтсе, әлемнің ең мықты қол күресшісі атағына қол жеткізеді.
Арай Есенбек
