Аталған көмек жергілікті тұрғындардың ауыр тұрмыс жағдайын жеңілдетуге бағытталып отыр, деп хабарлайды inbusiness.kz сайты.
Осылайша, Қытай Иран, Иордания, Ливан және Ирак елдеріне жедел гуманитарлық көмек көрсетпек.
– Жалғасып жатқан қақтығыс Иран және өңірдегі басқа елдердің халқы үшін ауыр гуманитарлық апаттарға әкелді. Қытай тиісті елдердің халықтарына жанашырлық білдіріп, моральдық қолдау көрсетеді, – деді дипломат баспасөз брифингтерінің бірінде.
Сонымен қатар, Қытай билігі алдағы уақытта да бейбітшілік орнатып, атысты тоқтату үшін қолдан келгенше іс-әрекет ететінін хабарлады. Өңірдегі тұрақтылықты қалпына келтіру және гуманитарлық дағдарыстың ушығуына жол бермеуді көрші ел барынша қолға алмақ.
Осыған дейін ЮНЕСКО Иран, Ливан және Израиль аумағындағы мәдени-тарихи нысандарға келтірілген залалды бағалап көрді. АҚШ пен Израильдің Иранға жасаған соққылары салдарынан кемінде 4 мәдени-тарихи нысанның зақымданғаны белгілі болды.
