Қытайлық компаниялар бұл жануарларды импорттауға мүдделі. Осы бағыттағы ынтымақтастықты ауыл шаруашылығы вице-министрі Аманғали Бердалин қытайлық инвестициялық компаниялардың өкілдерімен талқылады, деп хабарлайды inbusiness.kz сайты ҚР АШМ баспасөз қызметіне сілтеме жасап.
"Біз жылқы тұқымдарына деген қызығушылықты көріп отырмыз, бұл біздің фермерлерге жаңа мүмкіндіктер ашады", – деп атап өтті Аманғали Бердалин.
Тараптар ветеринариялық бақылау және карантин үшін инфрақұрылым құруға ерекше назар аударды. Қытайдан келген инвесторлар Қазақстан аумағында ветеринариялық зертхана ашуға ниет білдірді. Орталық диагностикамен және ауылшаруашылық жануарларын елдер арасында тасымалдау кезінде биоқауіпсіздікті қамтамасыз етумен айналысатын болады.
Сондай-ақ, тараптар жемшөп дайындаудың заманауи әдістерін талқылады – бұл әсіресе климаттың өзгеруі жағдайында және мал шаруашылығы үшін сапалы рационды қамтамасыз ету қажеттілігінде өзекті.
"Біз Қазақстанды орнықты ауыл шаруашылығын дамытудағы стратегиялық әріптес ретінде қарастырамыз. Зертханалар мен жемшөп өндірісіне инвестиция – біздің ортақ болашаққа қосқан үлесіміз", – деп атап өтті қытайлық делегацияның өкілі Ван Чжифэн.
