Облыстық статистика басқармасының мәліметіне қарағанда, биылғы жылдың қаңтар-мамыр айларында Қызылорда облысының ЕАЭО елдерімен өзара саудасы 45836 мың АҚШ долларын құрады. Соның ішінде экспорт – 28946,1 мың АҚШ доллары (2,3 есе көп), импорт – 16890 мың АҚШ доллары (7,5% кем).
Қызылорда облысының экспортының 62,7% бейорганикалық химия өнімдері құрады. Минералды өнімдер – 31,1%, тұз – 27,6%, табиғи құмдар – 2,8%, мұнай өнiмдерi – 0,7%, мал өнімдері, азық-түліктер – 6,1%,күріш – 4,6%, балық 1,5% болды.
Еуразиялық экономикалық одақ елдерінен Қызылордаға көп көлемде машиналар және жабдықтар, көлік құралдары және аппараттар әкелінген. Ол жалпы сауда көлемінің 36,1% құрап отыр. Химиялық өнеркәсіп өнімдері – 18,8%, мал және азық-түлік өнімдері – 14,2%, металдар мен металл бұйымдары – 14,2% өңірге жеткізілген.
Ескендір Ертай
